السلام عليكم ورحمة الله وبركاته
يابنات
سالتكم بالله انكم تساعدوني باللي فيه الخير
انا يوم تزوجت شرطت بيت مستقل قال زوجي امي مالها غيري
قلنا ميخالف امك تسكن معنا عادي لان زوجي وحيد امه
المهم تزوجت
وسكني بغرفه عند اهله اقصد امه واخته
والاجازات يجون خواته الكبار مع عيالهم وينامون يعني الوضع مزعج بقوة
ودوام زوجي بالشرقيه
واهله ساكنين الرياض
امه واخته مايبون يطلعون من الرياض ابد
وانا قلت لزوجي بروح معك من بداية الزواج
وهو يقول بيجي نقلي الشهر الفلاني وماودي اتخسر وانا بجي
ومن هالكلام
انتظرت سنه وسنتين وثلاث وانا بالغرفه
وهو بالشرقيه ماجاه نقل
وربي رزقني تووم ولد وبنت
المشكله ان اهله ساكنين ولا عندهم اي رجل بس مايبغون يروحون الشرقيه
حاولت اقنعه بالطيب بالهداوة باليين بكل شي مافاد
امه ماتبي اروح مع زوجي ابد
وتلمح لزوجي يعني لا تاخذها
وقدامي تقول انا مالي دخل بحياتكم
وزوجي ولد امه يعني كلامها امر عند زوجي
لو تقول له الاسود ابيض صدقها
وزوجي يجي الاربعاء والخميس ويمشي الجمعه
الاربعاء والجمعه طريق
والخميس يخلص مشاوير البيت
وانا ابيه واحبه مايجلس معي كثير
ويوم جبت عيالي زاد احتياجي له
وضحت له ان العيال يبونك ويحتاجونك
خذنا معك استاجر لو غرفتين على قدنا باي حي مو لازم حي راقي
لو ننام على الارض مايهم اهم شي وجودك معنا
يقول الماديه صعبه ويتحجج
مع انه بالشرقيه مستاجر شقه عزاب 22 الف
11 الف عليه 11 الف على صاحبه
اخوي كلمه و قعد يحتج انه مامعه فلوس
طول الثلاث سنوات صابره وتعبانه وانتظر النقل
ما جاء النقل ولا اخذنا معه
عجزت اتحمل ودقيت على اخوي وجاء اخذني انا وعيالي
وقال ماراح ترجعين الا مع زوجك
وبعدها زوجي دق قالي يلا تعالي قلت له كلامك مع ابوي
ودق على ابوي
وقاله ابوي احنى زوجناك وعطيناك بنتنا لكن لا تخليها وتروح ماعندها احد
الزوجه تبع زوجها
وقال انا ما اقدر مامعي فلوس ظروفي
قال له ابوي الله يسهل عليك بنتنا خذها معك
والحين انا لي ثلاث شهور عند اهلي
كلمت زوجي قلت له ابي مصروف قال لا انت اللي اخذتي العيال انت اصرفي عليهم
قلت خذني معك يقول والله ماتسكنين الشرقيه لو على موتي
قالت خذنا انا وامك واختك قال لا
انت انانيه تحبين نفسك امي جالسه وماقالت خذني معك
قلت امك هي تبغى الرياض
انا ابي زوجي
وحرام الحسد اذا كانت ماتبغى تروح معك ولا تبغاني اروح معك حرام عليها
ويقول لي مافيه طلاق بخليك تتعذبين مثل ماتعاندين بعاند
يقول روحي للمحكمه اشتكي قولي اللي تبين
والحين انا محتاره وخايفه وتعبانه
وش اسوي فيه
امي وابوي واخواني يقولون الحق معك اجلسي
وكلن معي الحمدلله
دقيت على شيخ وقلت له مشكلتي وقال هذا حقك
رايكم الله يجزاكم خير
مع العلم ان وظيفة زوجي مدرس بوسط الدمام يعني دوامه فيه شقق قريبه
ووضعه المادي يسمح
شاركي في النقاش
سجلي الدخول لإضافة تعليق.
التعليقات
93- الله يعينك ويفرجها عليكي يارب
سبحان الله وبحمده - الله يعينك حبيبتي ويفرجها عليكي ياااااااااااااااارب
ابغى افهم هالعجايز متى بيفكونا من شرهن
اذا ماتدخلنا مايرتاحن
بنخرب بيت ولدها وهي السبب - هو بيثبت رجولته عند امه...وما اظن بيتنازل ...دوري لك حل وسط..
- الله يكون بعونك والله ماللك الا الدعاءءءءءءء ثم الدعاء ثم الدعاء وووالاستغفاررررررررر
- الله يصبرك
مواضيع مشابهة
تابعي تجارب أخرى من هذا القسم.