₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـخامس والعشرون ـღ_‗«Ξ❤Ξ二₪

السلام عليكم ورحمة الله
كيف احوالكم بنات ان شالله بخير
تصدقون صار لي كذا شهر احاول ادخل بس مايزين مدري لييييش
الحين ابد مااصدق اني بصير معكم هههههه
لحظه خلوني ارسل هذا واشوفها عشان اتأكد

ايه والله طلع ردي اخيرا ههههههه
المهم بنات
بقولكم سالفتي بالتفصيل بس معليش تحملوني
انا كنت حامل والحمدلله كانت اموري بخير
وكنت بكريه وماعندي سالفه ابد دااااااجه
المهم كنت اسمع ان الثلاث شهور الوسطى اماااان والله يسامح اللي قالها
في الشهر الخامس سافرت لزوجي لان هو بمدينه ثانيه
وبعدها سافرنا وفليتها بالتمشيه ( وكان يصير جماع بشكل يومي واحيانا عنيف مصدقين تونا عرسان)
المهم جلست كذا يمكن 3 اسابيع
بعدها باسبوع جاني الم فظيع بجنبي الايسر وكليتي
والله ماكنت انام من الالم
رحت الدكتوره قالت لي عندك التهاب وصديد نسبته 13٪قالت نسبته مو كثيره اشربي مويه وشعير واذا ماخف خذي مضاد رحت دكتوره ثانيه قالت لي خذي مضاد على طووول
وقتها انا احترت الله يسامح الاولى بس ماخذيت لانه بدا يخف الالم عندي
بعد كذا باسبوع رجعت لاهلي
وجلست اسبوع بعد وجاني زوجي وصار جماع
وقمت الصباح لقيت نقطة دم بس ماحسيت بأي ألم او مغص
وعلى طووووول للمستشفى
قالوا بطنك مره قاااسي ولازم نسوي اشعه
سويت وطلع الرحم مفتوح 4 او 5 سم وكان يسألني فيه مغص او الم
وانا اقول لاااا
كنت 22 اسبوع
طبعا تنومت وجلست 3 ايام بدا يجيني مغص خفيف ومويه ودم
بعدها عشت اصعب يوم بحياتي كلها وولدت بنتي
عاشت 3 ايام وبعدين توفت الله يجعلها شفيعه لي ولابوها
انا كنت بموت من الهم احس اني قصرت او مااهتميت بنفسي في الحمل حتى زوجي حقدت عليه مع انه كان يسألني عن كل شي
يصلح او لا وانا بكريه ولا اعرف
الحمدلله على كل حااااال والله يعوضني ويعوضكم خير

حاليا انا حامل بفضل ربي والاسبوع الجاي بكمل الثالث الحمدلله
الدكتور اللي متابع حالتي في الولاده قالي اذا حملتي تسوين ربط على طول بس ماقال لي وش السبب
بس انا اتوقع ارتخاء عنق الرحم واحيان اقول يمكن من اهمالي المره الاولئ وتجاوزاتي
امس رحت الدكتوره اللي اتابع معها حاليا قالت الرحم مسكر ومااشوف انك تحتاجين
انا الحين يابنات بعد القصه الطويله العريضه ابي استشيركم اربط او لا
تحملوني معليش وانصحوني لان اهلي وقرايبي يقولون ماكنا نعرف شي اسمه الربط الا على عهدك << الله يعييييين
 

هلا وغلا فيييك أختي ..

ونسعد كثير في انضمامك معنا ..

الله يعوضك ويعوضنا اجمعين

عما فقدنا بالذريه الصالحه .. أختي الي صار

معاك مكتوب ومقدر لاتلومي نفسك علييه

ويما حرريم مشاء الله الجماع معهن من اول

الحمل الى آخره ولاصار معهم شي

وانتي مو متاكده انه سبب الولاده المبكره عندك الجماع او التهاب

شوفني انا صار معاي ولاده مرتين في نهاية الرابع

تقريبآ اول الخامس وكنت ممنوعه نهائي عن الجماع

وينفتح عندي الرحم وينفجر الكيس وتنزل موية الجنين

وينزل وهو هي في حملي هذا ربطت وتمنيت من حملي

الثاني وانا رابطه ولاكنت ضحية تجربه وخطاء في

تشخيص الولاده المبكره عندي والحمدلله انا بالشهر السابع

انا لو مكانك سويت الربط لو مانفع ماراح يضر انتي

استخيري والله يكتب لك الي فيه الخير .. وعلى فكره مو شرط

انك الحين طول العنق طبيعي والرحم مسكر ممكن لما يكبر

الجنين مايتحمله الرحم ويصير لاسمح الله معاك ولاده مبكره

وفي هذه الحاله يدل انه معاك ارتخاء بعضلة عنق الرحم ..

والله يتمم عليك ويفرح قلبك بالذريه الصالحه

السلام عليكم مساء الفل والياسمين ....!!
هنوده أنا زعلانة منك ماقلتي أكتبي بياناتك لا لا لا تراضيني خلاص زعلت >>> امزح

اسم العضوه: جاتوه
موعد الولادة: 2012/7/9 بإذن الله
جنس البيبي: لا أعلم
الدولة أو المدينة: الرياض
المستشفى: حكومي قوى الأمن ، الخاص عيادات البديعة الإستشارية
الدكتوره: محمد خليل ، يسرى خزاعي
سبب الربط: اجهاض في بداية الشهر السادس + توسع في عنق الرحم..