موقف صار لي في سنتر بوينت بغيت اكفخ الحرمه اففف منها

صباح الخيرات

مرررره قهرتني وحده عند المحاسب اففف منها

السالفة ياطويلات العمر انا واختي رحنا وقت التخفيضات سنتربوينت .. واختي يعني ماشاء الله خذت شوية اغراض

وانا بنطلون فقط لا غير ما اخذت شي ثاني ما عجبني شي صراحة

المهم عند المحاسب تعرفون كيف الطوابير تطفش زحححححححمة مره زحمة

المهم قلت لاختي انتي روحي طابور وانا طابور ثاني واللي يوصل قبل نجي مع بعض نحاسب <<<<< ابي اعرف اللي سويناه صح ولا غلط ....... اشوف مافيها شي اختصار للوقت

ووصلت اختي للطابور وانا سرحانه ما شفتها تأشر من بعيد وانا سرحانه .. وصدفه طالعت والا هي خلصت وبتشيل اغراضها وتمشي .. لحقتها على اللحظه الاخيره .. ووراها وحده ماشاء الله معاها المحل كله شالته في العربيه قلت لو سمحتي شوي بحاسب مع اختي البنطلون هذا بس

حتى المحاسب قال شوي لو سمحتي يا أختي بيحاسبون مع بعض

قالت الاخت .. لا آسفة ما اقدر انا من أول انتظر الطابور .. وانا مستعجله وماراح اسمح لك تجين قدامي

قلت طيب انا واختي مع بعض وما معاي إلا بنطلون بس بحاسب وامشي

عندت وركبت راسها .. لا .. انا بحاسب أول

اففف وربي كنت بعطيها كف من ورا الغطا

المشكلة تسمرت مكانها وشوي شوي تمشي على قدام دفت اختي لين خرجت من الطابور<<<< وش ذي التفاهه في الحريم

انا لأني ذاك اليوم كنت رايقه <<< من حسن حظها ..ومن حسن اخلاقي قلت ماراح اسوي مشكله عادي خذي راحتك يلا وحاسبي فكينا وجع

والله لو كنت مستعجله ولا وراي شي .. كان عندت وخليته صراخ حريم في السوق خخخخخخخخ

اشرايكم بالله في تصرفها السخيف

93 تعليق 10,983 مشاهدة

شاركي في النقاش

سجلي الدخول لإضافة تعليق.

التعليقات

87
  1. @bsmah90

    ههههههههههههه مدري وش تحس فيه
    بس الصراحه تصرفك صح ويثبت حسن اخلاقك
    انتم في مكان عام وعيب الوحده تخاصم وترفع صوتها قدام الناس وفي وجود رجال
    واذا صادفتي مثل هالأشكال مالك الا تسفهينها وتاخذينها على قد عقلها بس حفظا لأخلاقك ولاحترامك قدام الناس

تابعي تجارب أخرى من هذا القسم.