السلام عليكم
بنات أنا تقريبا قبل سنتين كنت دائما مبتسمه وفرحانه ومبسوطة وحاسه بطعم الحياه
ولكن بمجرد ماتخرجت من الجامعه وقعدت في البيت صرت أحس باكتئاب شديد وضيقة خلق
حتى نظرتي صارت سلبية للحياه
صرت أحس كل شيء كئيب مره
لدرجة أني سويت حفلة خطوبتي ولا فرحت ولاشيء عادي جدا أحس بـ هم وحزن واكتئاب وما أحس بفرحه أبدا بس أحس بهم على قلبي وأفكر من وين أجيب الفلوس والزواج مسئولية وهم على قلبي
مع إني وأنا في الجامعه كنت أتمنى هذا اليوم وكنت مجرد ما أفكر بالزواج أحس بحماس وفرحه مو طبيعيه أبدا
الحين صرت مكتئبه مافي شيء يفرحني
حتى اقول بيني وبين نفسي((يابنت يللا انبسطي غيرك يتمنون الزواج يللا بتروحين وتتزوجين حياة ثانيه و وو و ))
لكن أبدا ماقدرت افرح وادعي الله إن يدخل الفرح والسرور على قلبي
بس مافي ولا1% فرح أو سعاده كأني بروح القبر
ليش؟؟ليش؟؟
كل يوم أبكي وأبكي وأبغى الفرحه اللي كانت تملى قلبي ترجع لي أبغى افرح أبغى انبسط
اش صارلي؟؟
معقوله أكون خلاص مريضه نفسيا؟؟باكتئاب؟؟
بنات ساعدوني
أخاف اقعد كدا طول عمري
مع إني ولله الحمد ماعندي هم ولا شي بس قلبي وتفكيري ونظرتي سلبيه أبدا ما أحس بطعم الحياه مع إني مصليه والحمدلله وادعي الله دائما
قلبي أحسه ميت مافيه سعاده وبهجة وفرحة الزواج أبدا كأني متزوجة من 20 سنة عااااااااادي جدا مافي قلبي فرح أو بهجه
اش اسوي؟؟
ساعدوني الله يخليكم كيف أتخلص من اكتئابي ؟؟
ساعدوني أنا مريضه اكتئاب وألا طبيعي؟؟
هل ممكن يروح اللي فيني؟؟
شاركي في النقاش
سجلي الدخول لإضافة تعليق.
التعليقات
13
ليش حبيبتي التشاؤم هذا و الاكتئاب ،، خلي ذكر الله على طول على لسانك و اطيلي السجود و الدعاء و الاستغفار
و الله انك تحسي بسعادة و طعم للحياة و تفائلي بالخير و ان حياتك راح تكون حلوة و سعيدة ،، اخلقي السعادة لنفسك
بنفسك ،،
وفقك الله و فرج كربتك و همك ،،- الله يجزاك خير
أنا مستغربه من نفسي ليش أنا كذا؟؟
وفعلا حاولت اخلق السعاده بس ماقدرت نفسي ترجع لي الفرحه والسعاده زي أول
مدري اش فيني؟؟
ادعولي تكفووووووووووووون
وساعدوني - الله يشفيك ياقلبي ويتمم فرحك على خير ويسعدك
يمكن انتي شايله هم الفرح والاستعداد والتجهيزات
او شايله هم الزواج والمسؤليه والحياه الجديده
ان شاء الله مافيك اكتئاب ولاشي ماحولك الا العافيه
توكلي على ربك وافرحي وانبسطي واكثري من الاستغفار
وقراءه القران وراح ينشرح صدرك - ياعمري انتي حسيت فيك لاكن تبغي السعاده تقربي لرب العالمين واكثري من السجود مع الدعاء في الثلث الخير من الليل مع قرات القران والحي في الدعاء بحول الله يتوسع صدرك واقبلي على حياتك الزوجيه بكل فرح وسرور حذاري تبيني لزوجك حالتك خليك قويه وطردي وساوس الشيطان عنك الله يعافيك ويسعدك يارب0000
- رفع
مواضيع مشابهة
تابعي تجارب أخرى من هذا القسم.