يارب اغنيني عن حافز«حاسد حاقد »

بنات انا مقهوره عقب مأنفتحت بوجهي واستلمت حافز اول شهر وحسيت بالراحه والآمان تصدقت وقلت كل شهر اخصص جزاء للصدقه شريت الي نفسي فيه وحسيت ان اقدر اشتري واوفر للايام الجايه واعطي ابوي واصلح اسنان امي يوه يابنات الراتب الشهري نعمه مايحس فيها الا الي فقده
الشهر هذا طلعت غير مؤهله حاطيني طالبه ادرس بأحد الكليات وانا متخرجه لي 7سنوات
ويوم كلمنهم قالو عدلو البيانات قلنا البيانات صح قالو سوو حفظ وارسال والمره الثانيه حفظ وخروج طيب حرام عليهم يقولون حدثو البيانات حل خميس ليش. ماقالو كذا منقبل ليش منشروه بالجرايد
انا ادري ان فيه كثير مثلي بس حرام عليهم حتى يوم سالهم زوجي لكم داره حكوميه نراجعها قالوا لا
ويقلون اصبرو 3شهور علشان استلم مع الدفعه الثالثه والشهور الي تروح علي ماراح يعوضوني. يعني حافز كذب حافز صار حاسد حاقد نصابين فرحونا شهر ويقهرونا شهور ليتهم خلونا على فقرنا؟؟؟؟؟؟ الحمدلله على كل حال

19 تعليق 2,071 مشاهدة

شاركي في النقاش

سجلي الدخول لإضافة تعليق.

التعليقات

18
  1. @am_laryn2012

    انا للحين ماجاني الله يغنينا بفضله عمن سواه ليش ماتشوفين الجانب المشرق
    شوفيها من باب النصيب والقدر الله العالم اني محتاجه حافز ومااصدق على الله متى ينزل بحسابي بس والله انا مومنه بالله وانا اشوفها من باب وعسى ان تحبو شي وهو شر لكم
    تدرين روحي صلي الاستخارة وقولي اللهم ان كنت تعلم ان حافز خير لي فيسره لي وان كنت ترا انه شر لي فصرفه عني وارضني بما قسمت لي انا صليتها وللحين ماجاني اكيد فيه شر لي وربي صرفه عني
    ترا حافز جاب مشاكل للحريم اكثر مافادهم صح معاهم 2000 بس مشاكلهم كثرت وكلن طمع فيهم اولهم الازواج
  2. @bnfssg

    من قاللك الشهور اللي فاتت ماتتعوض انت للك سنة كاملة من تاريخ استلامكك لحافزمثلا تستلمين في شهر 3 الين 3 السنة الجاية

تابعي تجارب أخرى من هذا القسم.