ا الزوج الغير قنوع

السلام عليكم عندي مشكله اريدكم تشورو علي ماذا افعل زوجي يخونني من فترة وانا ادري واتجاهل عشان مااخرب بيتي والله كنت احاول اغير واسوي كل شي بس عشان امل عيونه فهو يحب للنساء كثير يحب يناظر فيهم ويسمع عنهم فهو يراسل من زمان بنات ونساء بهدف الزواج ولم يجد المناسبه لادري هل يتسلي او لم يجد من ترضى بثلاث زوجات وعيال فانا الثالثه فانا كما يقول يحبني ولم يعرف الحب الا عندي ويفضلني عن الجميع رغم مايقصر فينا فهو يعدل ومايقصر بس ومع ذلك يراسل ويكلم ومااقدر اواجهه لاني بخسره فانا اعلم كل الي يسويه اجد ايميلات ورسايل والواتس اب والماسنجر صور وامور لااستطيع القول عنها محرجه مع انه ملتزم بس عيبه النساء فهو مايبي يخسرني لاني ارفض يجيب علي لاني مااقصر معهولو قصرت والله راضيه واستاهل ان جاب علي فهو كثير الغياب ولو جى يومي يقعد عالجوال بالساعات بدل مايسولف معي فانا اتجمل واكشخ واسوي كل الي تتوقعونه يعجبه بس يطلع ويرجع يعود تعبت لي 8 سنوات اسافر عند اهلي اغيب اعود يصير ياسلام نقعد فترة وبعدها يرجع ايش اسوي البارح لقيت له علاقه بقريبه له وهذي القريبه اعرفها وتعرفني مصدومه ان يكلمها فانا كنت اراقب رسايله لها وخزنت رقمها لانه رسايلها جريئه وماحبيت اظلمه حفظت الرقم عشان ادق واسمع اذا هي حرمه او لا بس عرفت صوت حرمه وزعلت بس مادري اني دريت ولكن ماتوقعت هذي القريبه كنت اظنها من النساء الي يراسلهم بمواقع الزواج واللحين ماادري لقيتها تراسلني بالواتس اب اسولف معها وعرتها للاسف بس هي ماعرفتني صارت تسالني من انا جاوبتها وعرفتني خافت مني وحذفتني من جهازها كنها عرفتني من بالظبط اللحين ايش اسوي اواجه زوجي فيها او اسكت اشوف ايش اخرتها معها ولو واجهته بيقول مالك شغل حياتي واصلا كيف عرفتي تجسسي مابيه يدري اني اعر ف كل شئ عنه ايش اسوي تعبت معه شورو علي لازم يترك هذا الطريق لانه ياما تعرف علي نساء حرام مااقدر اكلم حد لان كلهم يقولو انتي جاي علي حرمتين ايش مزعلك خلي يجيب المساله مش سالفة زواج صار قلة حياء اسكت واعيش مع رجل يكبرني ب16 سنه يراهق ويخونني هو معي ويراسل كلام وقلة ادب يقوم اقرا الجوال الاقي كلام وسخ هذا يرضي من كم نصحته يقول ادعي لي بس طبعا ماخليه يدري بلي يسويه بس كني شاكه مابي يتجراء وماعد يخاف شورو ابي اخليه يقلع عن هذي العاده ويترك النساء انتظر ردكم تعبانه ومريضه نفسيا وحيده مالي الله ثم هذا الزوج وطفل الي مخليني اتعقد من نفسي ومش قادره اربيه زين بسبب الضغوط من هذ:44:

11 تعليق 4,828 مشاهدة

شاركي في النقاش

سجلي الدخول لإضافة تعليق.

التعليقات

11
  1. @roh_altfayl_1

    الله يعينك والله احس المشكله مو انك تحافظي عليه انه مايتزوج او يخون المشكله كيف تحافظي على بيتك معه لانه زي ماتقولي مايقتنع باللي عنده
  2. لا تواجهيه و لا شي دام همه النساء راح تجيبي لنفسك
    مشاكل مالها اول ولا تالي , لكن :
    إذا عندك اسلوب نصح غير مباشر حاولي تنصحينه يعني :
    جاتك رساله ع الواتس عن يوم القيامه او القبر او الحساب او غيره قولي هذا مسج وصلني عن يوم القيامه
    اقشعر له جسدي صدق ان الناس في غفله مافكروا لاموت و القبر ... الخ يعني من هذا القبيل ,
    شفتي حرمه بالتلفزيون , السوق , المستشفى متبرجه قولي يا الله قد ايش هي في غفله مافكرت بملك الموت ..!
    و هكذا مره مرتين ثلاث راح يتأثر لكن لا تجيبي سيرة الموت كثير لأن الأغلبيه تتضايق من ذكره و
    زوجك وانتي ادرى يا الغلا :)
  3. ياربيييييييييييييييي ’’’’’’’ الله يعين بنات الرجال أنهن شايلات بلاوي!!!!!!!!!,,,
    حبيبتي مالك الا الدعاء أرفعي يديك لخالقك في أوقات ألأجابة ’’أن الله يصلح حاله ..
    اللهم إني أسألك بأن لك الحمد، أنت الله المنان بديع السموات والأرض، يا ذا الجلال والإكرام.
    أن تصلح حالة زوجك ويرده الى رشده ويصرف بصره وقلبه عن الحرااام
  4. لالالا تواجهينه زوجك معه ثلاثة ويشري كذا ما أتوقع المواجهة بتنفع معه دايم ذكريه أنه بيوم بينطق بابه مثل ما طق باب الناس ومستحيل أحد يرضى على عاره خاف الله في الحريم إلي معك وبناتك وخواتك ترى بيجي يوم بتذوق مثل ماذاق غيرك وقولي والله أخاف عليك من دعاوي الناس عليك وش بتستفيد من دعوه تصيبك من واحد مقهور ومظلوم وأنت كذا ظلمت الناس في عارهم وترى دعوة المظلوم ما بينها وبين الله حجاب ومن هاذا القبيل وبالكلام الحو إن شاء الله يتعظ وإذا جا عندك حاولي تشغلينه عن الجوال بأي شي وتكوني أديتي إلي عليكي ومالك إلا الي خلقه وخلقك هو مدبر الأمور فرفعي يديك إليه وأدعي له بالهداية لاتدعين عليه تراه أبو عيالك

تابعي تجارب أخرى من هذا القسم.