محتاجه خوااااااات

بنات انا مرتاحه مع زوجي الحمدلله
بس في عدة مشاكل مأرقتني
اولها : معاي مرت حماي فالبيت مراااااااقبه لي و حشريه
ثاني مشكله : شقتي بالدور الثالث و الدرج متعب و خالتي من النوع اللي تشره اذا ما نزلت بكل حزه يعني شقتي تبيلها تنظيف ملابس زوجي يبيلها شغل تبيني ما غير صاعده و نازله هي بنت الحلال حليله بس جد الدرج يذبح
ثالث مشكله : شكتي مسوينها بنيان مقوى مو طابوق و شوفو الحررررر بالصيف مطبخي ما ادخله تلوووع كبدي من بيتي اكرهه
عاد ذاك اليوم صارت مشكله بيني و بين مرت حماي تهاوشت معاها و قال زوجي اوعدج الشهر الجاي نطلع شقه بروحنا بس بدور عذر لأبوي و اقوله له
عاد انا قلت له قوله البنيان ردي قالي لا فشله ابوي متكلف و باني
قلت له قول مشاكل بينها و بين مرت فلان قالي بشوف عذر
عاد انا استخرت و مخليتها على ربي
بنات انا سقطت قبل سنه و بعدها ما حملت انا احس من اجهادي و من الدرج الطويل اللي كل يوم اتسلقه
عاد شاورت صديقه لي بأني ابي عذر قوي قدامه اهله عشان اطلع قالولي قولي بأنج كنتي حامل و سقطتي عاد انا بقول لزوجي هالكلام شسوي مضطره والله ابي اطلع و ارتاااااااااااااح
فقلت اني بقول لزوجي نزل علي دم و ماهو بوقت الدوره و رحت حللت منزلي طلعت حامل بس لأنه زوجي الحين برا الديره يدرس بالخارج عنده اختبارات و انا عند اهلي عاد رفيقتي حامل بأعطيها بطاقتي و اخليها تحلل بأسمي و و تعطيني الورقه عشان يشوفها زوجي و يقول اني حامل و يصير عنده عذر اني سقطت للمره الثانيه من اجهاد الدرج
والله يا بنااااات ما ودي بالكذب بس قسم بالله وضع البيت مع اهل زوجي ابدا مووو مريح افكر اتطلق بسبب مكان المعيشه حاطين لي حطب مقوى مو طابوق و بآخر الدنيا معلقه فوووق بنات مووو مرتاحه و اهل زوجي من النوع اللي يفضلون يجمعون الحريم عندهم
ابي رااااايكم خوااااتي ما عندي الا هالعذر لأن بجد حاسه اللي مأخر حملي هو اجهادي فالدرج لأنه مرررره متعب و طوييييل و مرت حماي منكده عيشتي مراااقبه لي اعذااار كثيره و الشاهد الله مو دلع بس موووو مرتااااحه والله

18 تعليق 2,604 مشاهدة

شاركي في النقاش

سجلي الدخول لإضافة تعليق.

التعليقات

18
  1. @ayam2012

    الله يعينك ياقلبي ويصبرك وان شاء الله تطلعين من هالبيت وتستقلين ببيت خاص لك
    حاسة بمعاناتك ياعمري اصبري وربي بيفرجها لكن نصيحة مني لك لاتكذبين ترى حبل الكذب قصير وبكرة رجلك اذا عرف بيفقد الثقة فيك انتبهي اختي الله يوفقك

    انا مو متزوجة ولا اعرف لهالامور بس اتمنى اخواتي بعالم حواء يساعدونك

تابعي تجارب أخرى من هذا القسم.