شاركي في النقاش

سجلي الدخول لإضافة تعليق.

التعليقات

2,008

  1. @alhya_aml_12

    السلام عليكم ورحمة الله وبركاته
    مساء الخير والحب والسعادة والبسمة
    اسألوا وضحوكة : امطار خير وبركة عليكم ان شاالله ، والله يرزقنا وياكم
    المنتظرة : حياك الله وبياك ، نور المجلس بطلتك ، ياليتك تكونين معنا على طول ياعسل ، سلامات الله يعافيك ويرفع عنك الضر عاجلا غير آجل .
    ضحكة 2012 : حبوبة العصبية ماراح تنفعك بالعكس راح تضرك وتجيب لك الضغط والسكر بسم الله عليك ، خلك واثقة من نفسك وارضي ربك ثم زوجك وماعليك من ضرايرك ، واعتقد الثانية متضايقة اكثر منك بزواجه بس ماسكة نفسها لأنها توها سنة أو اقل وتزوج عليها ، ومادام هو تمام معك فالحمدلله نعمة ، وماعليك من مقارنته بينكم راح يبطل بعدين لأنه وحدة توها شهر ووحدة توها سنة يعني لازالوا جدد ويحاولون يطلعون أحسن ماعندهم ، وبعدين راح يملون ويصير الوضع عادي للكل ، وديري بالك العصبية على عيالك هم مساكين مالهم ذنب ، الله يخليك لهم ويخليهم لك .

  2. @dbab_2000

    السلام عليكم كيفكم ياحلوات اخباركم سقيا خير ورحمه المنتظرة حياك الرحمن وهنيا لك بحب الأخوات وحيا الله الجميع

  3. @alhya_aml_12

    ميمي : ياعسل .... بالنسبة للمحشش ترى كنت امزح ، بس اعتقد انه المحشش يمكن يكون من جماعة ضرتي لأنها عندها افكار وحسابات غريبة ماهي منطقية وما يفكر فيها عاقل وما تجي على البال ، ما ادري جايبتها من المريخ او زحل ههههههه ..... لا والمشكلة تحاول تقنعه فيها وفي بعض الأحيان تكاد تنجح في اقناعه بس الحمدلله انا لها بالمرصاد ، فعلشان كذا اقول الزوجة الأولى لازم تكون شاطرة في الحساب وتكون عندها ذاكرة قوية ماتنسى علشان ماتنخدع ـ لأن الزوج ممكن ينخدع بالكلام من الطرف الثاني ويحسب انه اللي يسويه صح وعدل ـ فلازم احد ينبهه للصح ـ والله يقوينا يا الزوجات الاوليات

  4. @mntthr_oalaml_ballh

    الله يسلمكم ويوفقكم ويسعدكم والله غمرتوني بحبكم وترحيبكم
    ان شاء الله بستمر معكم اذا سمحت لي ضروفي

    ويارب كل من كانت معنا تدخل ونعيد ذكريات حلوة كانت لنا مع بعض

    يالله ياحلوات ياصقيقات الماضي هلموا واقبلوا انا جيت ههههه

تابعي تجارب أخرى من هذا القسم.