تجربتي مع الخياطة التجميليه

السلام عليكم ورحمة الله وبركاته
طبعا هذي اول مشاركه لي وحبيت اشارك تجربتي معاكم لاني ارتحت كثير للمنتدى ومن المنتديات المفضله لي انا بقول لكم وضعي اول شي من ناحية الحمل والولادة اول طفل جبته كان عمليه قيصريه ماعانيت اي معاناه من ناحية التوسع ولله الحمد لي بعد كذا جبت بنوته وكانت طبيعي والدكتورة الله يسامحها مادري كيف خياطتها اشك انها خيطتني يمكن غرزة او ثنتين لاني لما حطيت المرايه وشفت مالقيت شي قلت يمكن حتى من داخل زوجي مسكين كان مايبين لي شي بس انا حسيت بنفسي وفكرت اسوي خياطه تجميليه بعد الحمل الثالث وحملت للمره الثالثه بس ربي ماكتبه لي وطاح وحملت للمره الرابعه واجهضت فقال لي الدكتور انه عندي الحمى المالطيه ولازم امتنع عن الحمل واتعالج استمريت خذ العلاج فترة يمكن شهر وحللت للمره الثانيه قالوا لي سليمه ماعندي اي مرض ولا حتى فقر دم وكنت اعاني من افرازات قوية وانا بصراحه بعد الاجهاضين قررت اوقف عن الحمل سنتين ثلاث لانه تعب اجهاضين متكرره فقررت اسوي الخياطه التجميليه رحت لمستوصف خاص كانت الدكتورة تعاملها مرا حلو ولها خبرة 27 سنه وسبق اشتغلت باكثر من مستوصف في نفس المدينه لما كشفت علي قالت لي عندك قرحه لازم كوي بالاول وبرضوا راح اسوي لك الخياطه طبعا تخدير كامل ماحسيت باي شي بس لما صحيت من التخدير تعب فضيع والم ووصفت لي مضادات وغسول وكريم اول يوم وثاني يوم وثالث يوم الم بعدها خف الالم وكنت اربع ايام اروح للمستوصف وتسوي لي غيار وتعطيني مضاد من الوريد وابرتين في الورك انا حاليا اليوم هذا لي عاشر يوم لي الي انا لاحظته افرازت بلون بني ماوقفت للحين ولما سالتها قالت شي طبيعي عشان القرحه بس خياطتي لما شفت بالمرايه حسيتها شوارع واحس انها انفكت ولما رحت لها قلت لها خياطتي انفكت وكشفت علي قالت لي ابدا الخياطه كويسه والى الان وانا على المضادات ولكريم والغسول وطبعا امتناع عن الجماع على الاقل شهر بس ماددري خايفه من خياطتي قالت تجميلي بس ماحسها حلوه احس الخياطه مش ولابد الخيوط اتفككت لانه اللحم مو متلاصق بس مافي شي طاح لحد الان وانا قريت انه الي خياطتها تنفك تحس بالم فضيع وخاصة مع التبول بس انا مااحس بااي الم الي مرت بنفس حالتي ابليز لاتحرمني من تجربتها وانا بكمل معكم وعذرا على الاطاله