~~ ان كنتي عانس تعالي :) ~~ للعوانس فقططططططط/ قديم

السلام عليكم ورحمة الله
اولا انا متزوجة ولله الحمد بس الي دفعني عشان اكتب هالمشاركة هو تجربة شخصيه انا متزوجة من عمر 18سنه والله اني ما اطلع من البيت ولا اروح لعروس وزواجي تم بطريقة غريبة واني دايم قبل اقول ودي اروح عروس واكشخ مثل البنات وامي ترفض وبنات جماعتنا ما في عرس ما يروحوله وعندهم معارف وحلوات بس تو تزوجو السنوات هذي والله يا بنات لا تشيلو هم حاولو ما تفكرو والله الي يرزق ولو جالك مليون خاطب والله كاتب لك ما تتزوجين ماراح تتزوجين ولو صك عمرك الخمسين والله كاتب لك الزواج راح تتزوجين ثقو بالله والله يفرجها وانا لو يبي يتزوج لا سمح الله زوجي علية ما راح ارضى الا اذا كانت من البنات الي ما جالهم نصيب مع اني غياره بس اذا اصر لانهم بالنهاية بشر ويبون زوج وبيت والله اني صادقه واني ما لي غير ادعي لكم بالزوج الصالح
ع فكره وحده من جماعتنا عمرها صك ال37 وعندها ولدين ومطلقه تزوجت شاب الثلاثين وماعمره اعرس وانه يموووت فيها سبحان الله وبنات من جماعتنا بال20ما تزوجو يعني كلها اقدار من الله
وسلامتكم بالتوفيق لكم يارب

تفائل بماتهوى يكن

كلكم راح تفرحون تفائلوواحسنوا الظن بالله ربي كريم عليك بسهام الليل واوقات الاجابة ولاتنسوني من دعواتكم http://www.youtube.com/watch?v=pS7moMM_UXkفيديو YouTube

أعرف لكم صديقتي الله يذكرها بالخير كانت داايم تقول متى اتزوج متى اتزوج مين لي بيشوفني وبيخطبني كيف ناس بيعرفونا
وابوهم مرا شديد عليهم لا طلعه ولا مشيه ولا عزايم ولا أعراس
تعرفين لي منقطعين عن العالم بس بيت عمانهم بسسس
وماشاء الله الكبيره تزوجت وثانيه الحين مخطوبه
يعني مو المعنى بطلعه ووو لا النصيب ولي كاتبه ربي بيصير
أنا أخذت نك من أختي من شفت مووضوع العوانس رف قلبي هههههههه قلت ابدخل الموضوع
الله يرزقنا بزوج التقي النفي وبذريه طيبه

وتفائلو بالخير ربي قال سبحانه أن عند حسن ظن عبدي بي ..
فأحسنو ظن بالله
وانا مثلكم يضيق صدري كل شي عرس لي تحتي بيتزوجون وانا توني
بس خيره من ربي كل تأخيره فيها خيره
واحمدي ربك عندك شهاده الله يرزقك وجميع المسلمات
الحمدالله وشكر لله

بنات اسمحولي بالمداخله انا متزوجه بس حسيت اني ابغى اقول شي واسفه ع دخولي موضوعكم اذا ضايقكم بس والله العظيم اني حاسه فيكم مره لاني قد جربت احاسيسكم في تاخر الزواج انا ماتاخرت مره بس المجتمع اللي كنت فيه كان محسسني اني تزوجت وانا كبيرة الله يسامحهم بس وهذي نظرة المجتمع ككل ماندري نحاسب مين ولا مين
في مجتمعنا البنت اذا ماانخطبت وهي وصلت العشرين تبقى العين عليها هاه انخطبت ماانخطبت ويالله كل سنه نفس السؤال نفسي اعرف ليه !!!!؟؟؟؟؟؟

يابنات لاتتحطمون تعرفون ايش السبب من وجهة نظري؟
السبب انه زمان ع ايام جداتنا وامهاتنا كانو يتزوجون صغار لان المجتمع كان جدا اجتماعي غير عن اللحين والبنت السنعه هي اللي تمشي واللهلوبه وكان مافيه لاتعليم ولاهم يحزنون عليه فالبنت واهلها يوافقون ع طووووول تدرون ليه لان البنت مستقبلها بيد زوجها وبس هو كل شي هو اللي يصرف وهو اللي يتصرف وهو بيده الفلوس وكل المستقبل والاهل كانو مايتشرطو كثير كله مقدور عليه

لكن اللحين الوضع تغير يابنات البنت تقدر تعيش حياتها مع الوظيفه صح انه الزواج مهم لكن لو تاخر شوي وبيدك شهادة ووظيفه وين المشكله ؟المشكله في نظرة المجتمع المتخلفه اللي باقيه من زمن جدات جداتنا وهذا اللي يذبح وكمان من خوفهم ع بنتهم نفسهم يتطمنوا عليها لكن فيه حلول وشهي ؟
انك تطنشي الكلام التافه من الناس وفي نفس الوقت خليكي طيبه ومنفتحه مع الناس لاتنغلقي على نفسك في البيت اختلطي بالناس ومع الحريم والبنات خليكي مبتسمه ولهلوبه وصوتك واطي ولبسك محتشم وفي نفس الوقت كشخه ونظيفه ودايم ذكر الله ع لسانك وراضيه بقضاء الله وقدره ....

ونقطه مهمممممممممممه مررررررررررررررررره يابنات انا ملاحظه البنات اللحين والمتزوجات كمان من فترة متجهين اتجاه قوي لدور التحفيظ منها اجر ومنها ناحية اجتماعيه اختلاط بالحريم وينعرفون البنات وياكثر اللي انخطبو منهااااااااااااا ومن المساجد فلا تياسون وكمان الجدات لهم دور كبيرررررر في ان البنت تنخطب اذا عندك جده الله يطول في عمرها او امك الله يحفظها لمحي لها انها تمدحك دايم قدام الناس مثلا هذا الطبق من يدين بنتي الله يحفظها ويخليها لي ريحتني الله يريحها دنيا واخره ومن هالكلام والله له مفعول السحر في الناس وهذا الشي حلال مافيه شي لاتتحسسوا يابنات اكثر اذا ماقلت ميه في الميه من البنات ماتزوجو الا بالمدح بين الناس وقدامهم وسيرتهم الحلوه عند الناس اهم من الشكل صح ولا لا
خليكي لهلوبه بري امك واخدميها بري جداتك وباذن الله كل وحده ربي بيرزقها الرجال الصالح اللي يطفشها حياتها اللين تقول يازين العزوبيه بس

الحين الدنيا تطورت يابنات البنت تقدر تدرس وتقدر تتوظف لو في مسجد لتحفيظ القران او حتى تتعلم تسريحات ومكياج في الدورات وتشتغل بمحل كوفير او حتى تصير تاجره بالنت الوحده اذا فكرت تلاقي ممكن وظايف في كل مكان وبالتالي تختلط بالناس وتتعرف عليهم ويشوفوها ولا تبينين للناس انك عانس اصحك تقولي هالكلمه ع لسانك ابدا حتى لو مزح ترى ترسخ بعقول الناس والكلمه مافيها عيب لكن الناس تفهمها انها غير مرغوب فيها خليكي كول وعادي مره وان الله مااراد لك فقط لاغير او ان نصيبك ع حصانه لسى ماوصل يبغى له وقت هههه وكذا يعني الناس تحب المتفائله وترى لاتنغرون ياااااااااااااااااااااكثر المتزوجات صغار وباقي يدرسون وندمانات قد شعرو روسهم وعندهم اكتئابات رغم انهم مخلفين السبب احساسهم انهم تحملو المسئوليه بدري وانهم ماتمتعوا بعزوبيتهم بسبب نكد الزوج واهل الزوج وياكثر اللي بطلو دراسه بسبب هالشي
وترى النصيب يجي في يوم وليله تلاقي نفسك متملكه وتجهزي لعرسك سبحان الله تتم الامور سرييييع من خطبه لملكه لزواج وبعد الزواج تضحكي ع تفكيرك تحسيه سخيف ههههههههههههههه
استودعتكم الله