₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـخامس والعشرون ـღ_‗«Ξ❤Ξ二₪

اختي امي سر سعادتي صباح الخيرات


الحمدلله انه امورك طيبه .. والله يخليك للوالده


ولايحرمها برك .. والله يرزقك بولاده سهله وميسره .

بنات زي ما قلت لكم فوق بكره بروح عند امي ويمكن انشغل شوي بس لازم ادخل اطمن عليكم واطمنكم

بالنسبه للولدتين المبكره لي الاول كان ينزل علي افراز شفاف مخلوط بدم قبلها بيوم دقيت على دكتورتي قالت شي طبيعي يكمن عشان الجماع

واليوم الثاني الظهر كان فيه مغص خفيف وكنت اتمشى انا وزوجي العصر كان اجواء ربيعيه وتغدينا برا وبنكمل التمشيه ومرينا المستشفى وقال لي زوجي خلينا نروح نطمن ونكمل التمشيه ورحت المستشفى وقلتلهم عن المغص وكشف الدكتور قال اثين صانتي ولاده:06: انا وجهي صار كذا هذا الي بترجع تتمشى وما جا الليل الاوهو مثل الملاك نايم بجنبي وخلوه يمكن حوالي ساعه بجنبي بس بيننا سرير وانشغلو بالاجراءت لانه مات بعد الولاده مباشره وكنت في بداية السادس الله يشفع به وبعدين طلعوه لاهلي واهل زوجي لانهم طلبو يسلمو عليه واسمع امي واخواتي يبكون واسمع امي امي تقول ودعتك الله ياحبيبي
الله يشفع فيهم ويعوضنا بخير منهم

وعلى طاري الموليد انا سمعت في برنامج وثائقي ان المواليد الذكور يكون اضعف من الاناث بكثير ويمكن عشان احنا باخر الزمان

الله يرزقنا الذريه الصالحه المعافاة

انا الحمد لله هنوده الله يفرحنا بسلامتك انت والعروسه ويجزاك خير ياعمري

وعليكم السلام

تمام والحمدلله

اخبارك انتي واخبار النونو ؟؟

الف مبروووووووووووك السادس

وعقبال التاسع وفك الربط والولاده السهله الميسرة



الحمدلله والشكر انك تطمنتني ع البيبي

الله يتمم حملك ع خير يارب

ويفرحك بضمة طفلك



صباح الورد ياعسل

الحمدلله انك تطمنتي وطمنتينا

الله يخليلك امك ولايحرمك منها ياااااااارب

ذكرتيني بأمي الله يحفظها ليا

في الاجهاضين كانت معايه وامي من الناس اللي تخاف من الدم

المره الاولى كنت توي طالعه من المستشفى وجايه عندها بس افصخ عبايتي اللي

ينزل علي شيء حار اشوف الا يطلع دم وطبعا قبلها بيومين نزلت موية الجنين كلها

وتعالي شوفي انواع الصياح كنت خايفه اغير ملابسي واشوف الجنين ع بالي طلعته سهله

وامي كمان كانت خايفه ودفت ع اختي اللي اصغر مني تجي تساعدني في التغيير

والمره الثانيه كنت نايمه عند اهلي واصحى من النوم وقبل ما ادخل دورة المياه اشوف نقط دم

تنزل مني واصحيها من اعز نومها وتدخل معايه وبرضو انواع الصياح

وبعد الاجهاضات جتني المراره وبرضو امي كانت معايه

اااااااه بس لو مهما عملنا وسوينا ماراح نوفيهم حقهم

الله لايحرمنا منهم يااااااارب