زوجي راح يجنني طفشت وربي طفشت

السلام عليكم ارجوكم يابنات شوروا علي وربي طفشت ووصلت حدي
بقولكم قصتي باختصار انا تزوجت رجل عادي رغم اني من بيت ملتزم ولاتقولون ما سألنا عنه وربي سألوا اهلي والكل مدح فيه وحتى امام المسجد قال انه يصلي معنا لكن اللي حصل بعد الزواج الرجال لايصلي في المسجد ولاهم يحزنزن نصحت نصحت لين تعبت وكمان طلع يعسل يعني يشيش وهالشي ماعلمني فيه الا بعد زواجنا ب3شهور وفوق كذا الحين انا احس الامر زاد وماعاد يحتمل صار يجي من الدوام يسوي شيشته ويقعد يعسل ولا خلص قعد نايم الى الساعه 12 بالليل ويصحي ويبغى ياخذ مني حقه الشرعي وبس هذا حياتي معاه تكفون يابنات انا قربت امرض منه احسه مطنشني ولاكاني عايشه معاه رغم بدون اظلمه واكون مكفره للعشير يعطيني كل طلباتي ولاهو مقصر معي اذا احتجت شي بس احس خلاص مليت ووالله صرت افكر اني ادخل اهلي في الموضوع شوروا علي تكفون وش الحل

31 تعليق 3,631 مشاهدة

شاركي في النقاش

سجلي الدخول لإضافة تعليق.

التعليقات

30
  1. @mlkh_klb_zogy

    ياحبيبتي مدام تقولي مايقصر معاك
    انتي اعتبري هذا اختبار لكي من رب العالمين
    سبحان الله ماتدري ايش راح يحصل بكره
    والله اني تزوجت زوجي وهو انسان عادي واللحين ملتزم والكل يمدح باخلاقه
    بس عليك بالصبر والدعاء
    وابد مااانصحك تدخلي احد بينكم
    وانتي لك الاختيار
  2. @ahtrt_fy_asmy

    ماعليه حبيبتي
    كثر الدق يفك اللحام
    بالعكس تاخدين اجر عظيم
    ع الصبر وع توجيهك له
    اعتبريه طفل ومحتاج توجيه
    اقعدي وراه
    وادعي له بالهدايه
    بما انو مايقصر معاك .. خلاص خليك معاه بس بالدعاء له والاستغفار
    ربي قادر يقول لشي كون فيكون
    بس ادعي بالحب والتدكير مو بالهواش
    الكلمه الطيبه تلين الحجر
    عالجي مشاكلك مع زوجك بالكنمان
    بالعكس لو قلتي لاهلك بتكبر المشكله
    ويكثر القيل والقال
    ويمكن يعند ويغيضك
    فانتي عالجي حياتك بنفسك

    الله يسخره لك ويهديه وينور لك اللي ببالك

تابعي تجارب أخرى من هذا القسم.