مشكلتي قليلة كلام .... ارجووكم ساعدوني ( الله يوفق اللي تدخل ويرزقها ما تتمنى )

سلا حوائيات

مشكلتي ان زوجي في منطقة ثانية احيانا يجلس اسبوع او اسبوعين لم نكون مع بعض نسولف عاادي بس المشكلة لم يسافر انا اتصل من فترة لفترة بس المشكلة ما في سواالف :44: يعني اذا مره مره طولنا ما تتعدا سبعة او عشر دقايق والسوالف كلها عاادية ما قدرت اعبر له ان شوقي له مافي بيننا كلم حب

حتى لم يكون عندي بالبيت الكلام هذا معدوم بيننا

ما قدرت ادلعه وانا اناديه او اكلمه حاولت يا بنات بس ما قدرت

بالرغم انه قلي في فترة الملكة انه يحب هالاشياء

طبعا احنا مرينا بمشاكل زوجي كان يبغى يتزوج بس اللحين امورنا افضل بكثير من اول طبعا المشكلة انتهت او لا ما ادري ما قد كلمت زوجي في هذا الموضوع ابدا غير مره وحده اللي هو وقت المشكلة


نسيت اقولكم انه زواجنا ما كمل سنه باقي ( عرسان والا الكلمة ماعاد تناسبنا :42:)
يارب القى حل عندكم لمشكلتي :(

14 تعليق 4,789 مشاهدة

شاركي في النقاش

سجلي الدخول لإضافة تعليق.

التعليقات

14
  1. @shrkaoyh_ryadyh

    ياعمري توكم في البدايه في بنات مثلك كثير بس حاولي ماطول المده انتي قولي كلام حب حتى لو مستحيه ماعليه اول مره بتنحرجين بس مع الاستمرار يروح الخجل اضرب لك مثال لما تصحينه قولي ياحبيبي ياعمري قوم شوي شوي وبتتعودين ولما يروح عمله ودعيه الله سبحانه وتعالى وقبليه في جبينه وقولي بحفظ الله حبي وبكذا بيجي سيل من الكلمات الحب والغزل مع الوقت منه ومنك واسأل الله العلي القدير ان يؤلف بين قلوبكما ولا يرى في هذي الدنيا اجمل امرأه الا انتي ويكفيكي شر بنات الحرام
  2. @hno_50

    هلا يالغلا الف مبروك زواجك

    بعدين لفت نظري نك نيمك ليه حزينه كذا تعطين عقلك الباطن اشارة انك متشائمه

    بنسبه للسوالف عادي سولفي بالي يصير لك بيومك كله

    واحيان ترئ الزوج مايساعد ع السوالف يكون ساكت ع طول

    بس ماعليك انتي عبري عن الي تحسينه اتجاهه اذا مشتاقه قولي وكذاااا

    والله يوفقك ياارب ويسهل امورك
  3. عادي سولفي له مثل ماتسولفين مع صديقاتك
    تكلمي عن يومك وش سويتي وش قرأتي
    اي شيء فتحي اي موضوع يكون فيه حوار بينكم
    واذا ابد انتي سحبي منه كلام جلسي اسأليه عن يومه
    خليه هو يسولف وانتي تجاوبي معه مو تصيرين عالصامت
    واذا اتصلتي عليه قولي له ( اشتقت لك ) وقبل ماتقفلين قولي (احبك)
    مو خسرانه شي والله بتستحين ؟ عادي قوليها وقفلي بسرعه
    يلا لحقي حالك لسه عروسة اذا ماقلتي هالكلام الحين
    متى بتقولينه ؟ بعدين بيحسه شي غريب . عوديه هالكلام الحلو

  4. @nas_2

    اللهم اشرح لي صدري ويسر لي امري
    واحلل العقدة من لساني
    ردديها دائما وربي معك

تابعي تجارب أخرى من هذا القسم.