شاركي في النقاش

سجلي الدخول لإضافة تعليق.

التعليقات

1,994

  1. @am_zyady_1

    السلام عليكم

    كيفكم صبايا ان شاء الله تمام؟؟

    انا مبتعثه جديده في استراليا وتحديدا في برزبن والله يعين يوم خلصت اجراءات الرحله من الى طبعا شامله اشعة الصدر(الله يستر منها) اكتشفت اني حامل فصعب التأجيل قلت اتوكل على ربي وامشي وش ورانا خليني اغامر مره بحياتي ولي الان على حساب الدكتور في السعوديه تقريبا شهرين ونص ودراستي الاثنين الجاي بإذن الله واللغه عندي ان قلت صفر فصدقوني ما ابالغ وشايله هم كيف اتعامل مع المستشفى لكن الله ييسر


    المهم طولت عليكم سؤالي ابغى دكتوره نساء وولاده كويسه في برزبن اخ لو القى دكتوره عربيه وناااااااااسه ولو مافيه عادي دلوني على وحده مجربه لان عندي نيه اروح اذا كملت 3 شهور مع اني ما اعرف كيف الطريقه هل لازم حجز ولا على طول ادخل عادي ياليت يابنات تفهموني وتصبرون علي اختكم تبي فزعتكم يالنشميات وابي اعرف كيف طريقتهم يعني من الشهر الرابع هل يعطون فيتامينات وحديد للحامل وكذلك ابرة الكزاز مادري اذا اسمها صح بس اكيد تعرفونها هذيك اللي يعطوناها في السعوديه وكيف اتعامل مع الدكتوره بدون لغه والرسوم والعلاجات والتكاليف هل تكون علينا او على الملحقيه الله يوفقكم بنات فهموني تعبت من الدجه خخخخ


    وربي يعطيكم العافيه ويجزاكم خير

  2. @am_zyady_1

    للرفع


    +


    NEEEDOO1


    ياليت تجين هنا وقسم بالله قمة القهرلا كتبتي رساله طويله ومتكلفه ومبريه الذمه فيها واخر شي عدد مشاركاتك مايسمح بالرسايل الخاصه عاد ليتني مسويه نسخ للرد قبل ما يطير أخ بس أخ

    نيدو رديت عليك رد موب هين طويل بالحيل واخر شي طارت المعلومات هههههههههههههه


    ومشاركاتي مره قليله مايمدي اوصلها لـ 50 حاليا

    اذا شفتك هنا برد من جديد وبيفيدونك البنات اللي اخبر واقدم مني ان شاء الله مع انه سؤالي محد رد عليه:44: شكلهم مشغولات

    +

    تكفون ردوا على سؤالي اللي فوق

  3. @am_asoooooomh

    مرحبا
    اخباركم جميعا لي يومين واصله ملبورن وللحين متلخبطه انام ساعه واقوم مصحصحه ههههه الله يعين
    دلول الحمدلله ع السلامه
    بنت العيون مبرووووووك المولوده وتتربى بعزكم ان شاءالله

  4. @am_asoooooomh

    ام زيادي
    راح افيدك باللي اقدر عليه انا في ملبورن وان شالله بنات برزبن مايقصرون اتوقع تروحين لعياده وبعدين تحولك ع المستشفى وتسوين تحاليل والفيتامين تاكلينها من اول شهر تكون كامله لكل شي والتكاليف تكون ع الملحقيه وانتي ابحثي عن دكتوره عربيه في برزبن اتوقع تلقين ان شاءالله والله ييسر لك يارب

تابعي تجارب أخرى من هذا القسم.