&&&تجمع امهااات احلى توائم الخدج المجااهدات السهرانات والمكافحاات&&

صباح الانوار على كل الامهات الله يقويكم يارب
زهرة يناير حياك يا حلوة بيننا وان شاء الله تفيدين وتستفيدين
عبوقة كيفك وكيف الحلوين
ام وئاد ادخلي بالجهاز اللي تبين بس لا تطولين علينا نفقدك ياعسسسل
الامومة الرائعة هونيها وتهون وحاولي تجيبين احد يساعدك لو ساعات في اليوم
انا مجنونة والله على التعب بس حلوين يعني بعد كم سنة ودي بتوم بنات الله يكتب اللي فيه الخير

ام وئاد وش اخبارك يا عسل وكيف توائمك
كم اعمارهم ما شاء الله
انا بناتي دخلوا 10 شهور يقعدون بس لا يحبون
ولا يوقفون على الكنب والغريب انه ما طلعلهم اسنان

دانات وش اخبارك يا عسل وش اخبار اولادك
وش اخر تطوراتهم

الامومه الله لا يحرمك الاجر انتي مثلي ما عندي احد يساعدني
في توامي الا زوجي بعض الاحيان اذا صار موجود ما يقصر
اما شغل البيت كنت اول اكلم شغالات اللي يجون بالساعات
يجون بس بعدين قلت اروح اطر منهم طراره كان على روسهم ريشه
تواعدني في يوم بعدين تسحب علي وتطلع بشوي اعذار عقيمه

وش صرت اسوي اقفل على الغرف اللي ما استخدمها وانظف تنظيف سطحي
واذا يوم تراكم علي الشغل ارسلهم عند الوالده الله يجزاها عني كل خير
ويحفظها ويخليها لي
نصيحتي لك لا تجهدين نفسك اذا فيه احد يساعدك ارسلي توأمك عنده
لين تخلصي شغل البيت وتشوفين لنفسك لو يوم في الاسبوع

واذا زوجك يقدر تعبك خليه يجيب الاكل من برى لين يكبرون عيالك
شوي وتتعودين على وجودهم
انا من يوم جبت بناتي والا ان صارت اعمارهم 8 شهور واكلنا من برى
ومن شهرين رجعت اطبخ واخلي بناتي عند ابوهم يمسكهم لين اخلص
ان شاء اكون افدتك
نسيت اقولك من ناحية الاهتمام بنفسي زين اذا تذكرت في الشهر مره
لاني ما الحق على شي
الله لا يحرمنا الاجر ويرزقنا برهم

اي والله مدري ليه شغالات الساعات يمنون علينا ونفس ماصار لك يصير لي ,, ماجبتهم الا مرة و رفضوا يجون مرة ثانية. يقولون بيتك بعيد ,,, وانا ساكنة هنا لوحدي ماعندي قرايب او ناس امون عليها ,,, وزوجي يساعد

جوالي يعلق
اكمل كلامي,,

زوجي يساعدني بس بأشياء بسيطة و مو قادرين نلحق انا وياه ,,,,


الله يجبر بخواطركم جميعا. ويعيننا واياكم على كل خير يارب ,,,,

امنيتي اعيش مرتاحة تسلمين حبيبتي انا الحمد لله والشباب طيبين بدينا الدوام جبت دادا تمسكهم الصباح كانت عند قريبتي واذا رجعت تروح والحلوين ياحبيلهم بس قطعت من الناس والزيارات بس الضروري مره لانهم يتعبوني مرة اذا طلعت فيهم يبون مكانهم ولا يحبون الازعاج لهم بروتكولات ممشينها علينا كأني اول بيبي والله بس التطورات مافيه شي الحمدلله مايحبون ومافيه اسنان بس يتابعوني وياويلي امر ما اشيلهم احطهم شوي بالمشايات وسلامتك