:) السلام عليكم ورحمة الله وبركاته..
أخواتي من منكن تعرف مستشفى راقي وممتاز بالخدمة الصحية للحوامل وطبعا فيه دكتورة شاطرة وفاهمة خصوصا أنا حالتي خاصة.
طبعا أنا أبي هالمستشفى بأبوظبي لأنه أقرب.
بانتظار ردودكن على أحر من الجمر.
أحتاج لأسم المستشفى وأسم الدكتورة الشاطرة للحمل وعنوان المستشفى ورقم تلفونه والله يعطيكم العافية ويجزيكم كل خير.
شاركي في النقاش
سجلي الدخول لإضافة تعليق.
التعليقات
10- مستشفى نور
..عند دكتوره فوزيه ..
حنونه و اتراعي وااايد ..و معاملتها وااايد زينه .
اختي اترووحلها ...و كل مراجعاتها هنالك من 5 سنواتعلى عيالها كلهم حتى قالتلي روحيلها
و ربيع ريلي حتى مدحها واايد قال حنونه و صبوره و اتراعي واايد...
بس الصراحه وواااايد زينه ,, - الأخت ..*.+لمووويه+.*..
مشكورة على ردك وجزاك الله كل خير بس ممكن أسم المستشفى كامل مع موقعة وتلفونه اذا ما عليك أمر .
وهذي الدكتورة شنو أصلها وهل هي فاهمة أم لأ وهل هذا مستشفى خاص وراقي..
بأنتظار ردك. - أختي ..
انصحج تربين في مستشفى الكورنيش .. بحكم خبرتهم الطويلة في هالمجال ..
ودكتورة فيلبس وايد طيبة بعد .. وشاطرة ..
واذا تبين مستشفى خاص ..
مستشفى الريف الدولي .. عندهم دكتورة اسمها دكتورة رجاء .. نسيت اسمها الكامل..
بس معروفة والكل يمدحها ..
وفي nmc مستشفى المركز الطبي الجديد .. الصراحة ما عرف ولا وحدة ربت عندهم ..
بس دكتوراتهم وايد زينات .. دكتورة سوماتي .. عندها خبرة وفاهمة .. ووايد طيبة ..
ودكتورة سوشيلا .. بعد وايد طيبة .. ودوم اطمئن ..
وفي مستشفيات ماله داعي نذكر اساميهم .. بس ابدآ ما عندهم رعاية ..
اعرف وحده وايد تحب المظاهر .. وربت في مستشفى خاص عشان بس تحجز غرفة V .VIP
من أول ما دخلت .. ما تحملو يعورون راسهم .. سوولها عملية .. ويوم ربت .. حتى ما عندهم حاضنة ترعى البيبي ..
قالولهم خلوه عندكم .. وبعد 12 ساعه بنسبحه .. حتى فحص ما فحصو الياهل ..
أختي ما اخوفج .. بس لا تربين الا في مستشفى واثقة منه ..
لأنه في مستشفيات حتى ما عندهم قسم أو غرف خاصة تكون بس للمربيات ..
والله يسهل علييييييييج ان شاء الله .. - اختي عندج دكتورة بشيرة استشارية امراض نساء انا اقولج اياها عن خبرة ما خليت مستشفى ما تعالجت فيه وحده من ربيعاتي اللي يجزيها الف خير نصحتني اروح عندهااا ورحت في خلال 6شهور وانا حااامل الحمدلله رب العالمين والحين على وشك ولادة .............
وبخصوص الولادة كنت اتعالج في الكورنيش يوم سالت الدكتوره الي تعالجني دكتوره انت بتدخلين معاااية قالت لا انا وقت الضرورة ادخل تكون معاااج ممرضه بعد مش دايه يوم سمعت كلامها ابصراحة ما رتحت قلت احسلي اربي في مستشفى خاااص الحين اتعالج عند دكتوره امل ابو مرعي في مستشفى النور ابصراحة واااايد زينه .................واعرف وايد بنات ربو عندهاا - الأخت بداية حياتي ..
جزاك الله كل خير على ردك والله يتمم حملك على خير ان شاء الله ويتمم لي أنا بعد اللهم آمين.
مثل ما قلتي المستشفيات الخاصة مثل الهم على القلب الحين بس المهم أن تكون فيه دكتورة شاطرة وتعرف تتصرف وتأخذ قررات صائبة في الأوقات الحرجة.
الأخت دمعووه ...
جزاك الله كل خير أختي على ردك والله يتمم حملك على خير ان شاء الله ويتمم لي بالخير ان شاء الله.
يعني الدكتورة امل ابو مرعي والدكتورة فوزيه هما زيننين في مستشفى النور يعني يعرفون يتصرفون مع الحامل وظروفها الصحية .
أتمنى من الأخوات اذا عندهم آراء ثانية لا يبخلون علي.
مواضيع مشابهة
تابعي تجارب أخرى من هذا القسم.