دراسة الماستر في الكيمياء

هو اني انا ادرس اخر سنه لي في الجامعه وتخصص كيمياء
واحب تخصصي مرره وممتازه فيه جدا واطمح لاكمال دراستي العليا بإذن الله بس مشكلتي في الانجلييييزي مره معلوماتي فيه زيرو ماقدر اتحدث بس احفظ سبلينق
وصخباتي قالوا مو لازم تكملي الماستر في نفس تخصصك خذي تخصص ثاني يعني مواد تربويه وبصراحه عجبتني الفكره بس مقهوره ع الكيمياء وشطارتي فيها لاني احبها مره وش رايكم انتم وهل يوجد جامعات تدرس الماستر للكيمياء عربي بدون انجليزي او تخصصات معينه من الكيمياء
اذا فيه ساعدووووووني الله يسعدكم لان استاذاتي يقولوا مافيه ولا كلمه بالعربي هل هذا صحيح
وكمان ايش المطلوب مني من اختبارات واوراق قبل دخوووول الماستر وهل تنصحوني اختبر الحين الستيب عشان ادرب عليه عادي وانا ادرس
والتوفل او الاستيب عاتي بذاكر فيه وبعديه ان شاء الله
اتحفووووني بتجاربكم

6 تعليق 7,122 مشاهدة

شاركي في النقاش

سجلي الدخول لإضافة تعليق.

التعليقات

6
  1. @um_aljoud

    هلا حبيبتي اول شي اذا جيتي بتدرسين بره وقدمتي ع البعثه مستحيل الملحقيه تسمح لك تدرسين تخصص غير تخصصك للي بالبكالوريس
    طالب الماستر اذا جاه بيقدم ع البعثات لازم يكون تخصصك الماستر امتداد لتخصص البكالوريوس والا مايوافق لك .. هذا شي

    ثاني شي الكيمياء كلها انقلش مافي شي اسمه عربي .. وبعدين بالنسبه للغه كلنا اول ماجينا مانعرف شي والحين والله الحمد نعرف لاجل كذا خلي ببالك هالشي انتِ اول مابتجين هنا بتدرسين لغه بعدين بتبدين بالجامعه .. وكلها سهالات مافي احد يضيع ..
    بالنسبه للاوراق المطلوبه اناا افضل انك من الحين تختبرين التوفل بس قبل لاتختبرين شوفي الجامعه للي بتروحين لهاا كم تطلب توفل واذا كانت تقبل اختبار ايلتس للماستر بيكون اسهل لك من التوفل شوفي كم يبون علشان تعرفين كم الدرجه المطلوبه .. علشان اذا سويتي هالشي من السعوديه ع الاقل ع راحتك ومافي شي يضغط عليك .. لانو اذا خلصتي معهد ولاجبتي اختبار التوفل لك فتره محدده تجبينه واذا ماجبتيه يقطعون عليك البعثه لاجل كذا ابتدي اشتغلي عليه من الحين بس قبل شوفي الجامعه للي بتروحينهاا .. والله يوفقك
  2. @aal_snk_aashr

    انتي تقصدين بعثه لدول عربيه >>> ماعندي خلفيه عن نظام الدراسة

    تقصدين تكملي ماستر في السعودية >>>> اللي اعرفه من خلال جامعة الدمام والملك فيصل ان الدراسات العليا بالانجلش

    تقصدين الدراسة في الغرب>>>> راح تدرسين سنه لغة ثم بعدها الجامعة

    وتسألين عن اختبار التوفل >>> اختبار التوفل لازم يكون مستواك عالي في الانجلش يعني لازم تدرسين انجلش
  3. @talbh_kymyaaa

    صاحبة الموضوع
    يعطيكم العافيه حبايبي لا انا بدرس هنا في السعوديه في جده او مكه واعرف كثير كملوا الماستر في تخصصات تربويه عادي جدا لاني صراحه خايفه اغامر في الكيمياء وافشل بسبب الانجليزي
  4. @aal_snk_aashr

    ماادري عن جامعات جدة ومكة

    بس عن جامعات اللي بالشرقية طالبين لغة انجليزي

    تأكدي من موقع الجامعات وربي يسهل لك
  5. إذا تحبين الكيمياء و تبين تاخذين الماستر فيها ،، اضغطي على نفسك و تعلمي إنجليزي ،، الأبحاث و العلوم المتقدمة بالكيمياء كلها انجلش ،، و راح تستفيدين و تستمتعين إذا تحبينها :)

تابعي تجارب أخرى من هذا القسم.