حافز ولقااءات

مساء الخير للكل نسخت لكم ردي لاحد الخوات على الخاص بخصوص لقاءات انا بالرياض وشهادتي جامعيه


اخذ ت حافز للشهر الثاني وجتني الرسالة اللي ارسلوها لك

وكنت متردده اروح لاني ما ابي وظايفهم وكلها قطاع خاص

اتصلت عليهم قبل ما اروح (لقاءات) سالتهم اذا ماقبلت الدعوه وش بيصير

قالي لازم الحضور وقبول الدعوه ولو فيه عذر دقي عليهم واعتذري

وبعدها كلمت حافز قالو لازم تحضرين لانه يتسجل بملفك بحافز اذا ماجيتي

ياثر على الاعانه

الزبده رحت لهم وكان عباره عن معرض كبير وكل شركه لها جناح طبعا

شركات كثير ومراكز ومحلات مستلزمات اذكر منها شركة بن لادن وايكيا

وماكدونالدز والبنوك وغيرها وقبل ما اروح فتحت على الايميل وطبعت

الدعوه وهذي الخطوه ضروريه عشان تورينهم وتدخلين بها وياخذون بياناتك

وادخلي ودوري على الشركات واللي يعجبك ويناسب ميولك روحي وعبي

بياناتك عندهم بصراحه رحت لهم من باب ارتاح من التفكير ولا اني مو مقتنعه

سجلت بشركتين وطلعت قالو بنتصل عليكم وقابلت وحده هناك بركن حافز

مسوين له جناح وهي موظفه وسالتها لو رفضت الوظيفه ياثر على حافز قالت

ياثر ويدل على انك غير جاده في البحث عن عمل وعاد ماندري عنهم

توكلي عل ربك وروحي والمكتوب بيصير والرزق من الرازق سبحانه


وبالتوفيق

ان شاء الله افدتكم وللعلم نزل لي حافز السبت وانا رحت الخميس اللي قبله

مشروووووووووووووووع فاشل ولا له اي معنى لانه بنااات القرى والمحافظات الصغيرة كيف يمديهم يجون الرياض او جدة اذا جاتهم هالدعوات وهي بعيدة جدااااا عن مكان اقامتهم و اذا تعذرو بالبعد هل يحرمونهم ؟؟ من اعانه الملك اللي امر بها للعاطلين والعاطلات من غير تحديد في عمر او بحث عن عمل او غيره

اسأل الله العلي العظيم ان يعجل بنصرنا على من ظلمنا وهضم حقنا في التعيين

واسأل الله ان يحاسب كل من حرم مواطن محتاج من اعانه امر بها ملكنا لشعبه

سلام ياحلوات,,,أنا غايبه عن المنتدى من اسبوعين تقريبا بسبب الإجازه والسفر ولما جأتني اليوم الرساله تجننت وما عرفت اش اسوي قلت مالي غير خواتي بالمنتدى يقلون لي اش اسوي..أنا ما همني فلوسهم ياخذونها هم اصلا اليوم والابكره بياخذونها عيونهم عليها...
بس والله قهر
طيب اش وظائف لقاءات؟
أنا جامعيه و مع اني سجلت بجداره بس كل يوم ادعي اني ما اتعين...لان بسبب عمل زوجي كل سنه ببلد صعبه أشتت نفسي وزوجي وعيالي(الله يكتب اللي فيه خير)..بس قلت بسأل وأروح من باب الفضول وأشوف اش عندهم؟بالله اللي دخلت ع الموقع وسجلت وراحت تقول لنا كيف؟وتقل لنا اش وظائفهم؟ وسامحوني طولت