اتمنى ان الكل بخير وصحه وسلام
جيت ابي ابشرككم ماشاءالله تبارك الله عرسي تحدد في عيد الحج والملكه اتووقع بتكون في الصيفيه
(المفروض اكون فرحانه)
للكن فرحتي مااكتملت لان جسمي مرقع شي ابيض وشي بني
:44:
والحاله صعيبه:icon33:
قلت مالي الا خواتي في منتدى عالم حواء
وطبعا واثقه ومتاكده انككم بتوقفون معي وبتساعدوني
وبكون احلى عروس:27::27::27:
اول شي بقوولككم المشاكل الي اعاني منها علما بان بشرتي بيضا
وهذي المشكله لان السمار يبين في البيضا اكثر من الحنطيه والسمره
- 1/مفاصل يدي سمرا بعد موسمرا الابنيه من كثر السمار
- 2/طبعا الاكواع والركب مايحتاج اوصف :44::icon33:
- 3/طبعا المسامات بيدي وسيقاني واااضحه
- 4/الهالات تحت العين
- 5/بشرتي وجسمي باهت مافي نظاره لوني اصفر مع اني ماعندي فقر دم
- 6/المنطقه الحساسه وسمارها علما باني من عمر اشيل بالموس مااعرف للحلاوه
يعني ابي تنصحوني
خلطات مبيضه طبيعيه
خلطات كريمات طبيه
كريم ليل ونهار
حبوب فيتامين (اشتريت كبد الحوت ماركه سفن سيز) وش تنصحوني غيرها
اقنعه للبشره والجسم
بقوووولككككم اني اشتريت خلطه زيوت للشعر خربطها من راسي
زيت السدر
زيت الاس
زيت الصبار
زيت تريشوب
زيت املا
زيت عافيه
زيت زيتون
وخلططهم وقلت ببدا فيهم كورس للشعر
الي عندها ملاحظه على الزيوت ازيد شي
ولا استخدم شي ثاني للشعر
تفيدني الله يجزاها الجنه
علما بان شعري لين كتفي وابيه يطول شوي
ساعدوني يابنات ابي فرحتي تكتمل لاشفت نفسي عروس بمعنى الكلمه تلق لق
هذا حلم كل عروس
ساعدوني
نبي نسوي جروب لعرايس الصيفيه والعيد وكل وحده تشجع الثانيه وتحذر الثانيه من الي مومناسب
:44:وش قلتووو ترى املي فالله ثم فيكم
ابي جدول ونظام من ناحيه الترطيب والتقشير وكل شي ابي كورس قوي
اقووولكم اني عندي دوام من 8 الى 1 الظهر
فاي نظام حطوو ببالكم الي عندهم دوامات مايقدرون يسوون شي الصبح
ادري مابتردوني خايبه وبتوقفون معي