بلغت عن اخوي صح ولا غلط !!!!!!!!

لا تندمي ولا شي تصرفك عين العقل وان شاء الله بيعالجوه وبيرجع لصوابه

لا حول ولا قوه الا بالله

كان فيه عندنا جيران ولدهم نفس اخوك بالضبط تهديد ومشاكل ومعيشهم برعب ودايما يتوعد امه بالقتل مع انها عجوز حتى ماتقدر تمشي ومره سحبها لغرفته واتصل لخواته المتزوجات يهددهم ان ماعطوه فلوس يتعاطى مخدرات ولا بيذبحها المهم بلغوا الشرطه وجو خذوه والأم من الخوف صادتها حاله نفسيه مدري نفس المجنونه استغفر الله وتبكي بدون سبب يمكن من صدمة الخوف بنص الليل يطرد الشغاله برا حتى يستفرد بأمه يعذبها ويهددها بسلاح وهي مسكينه ماتدري شسالفه خسر عمله وسمعته واهله

وبعدها بفتره اكتشفوا انه ماخذ سلف وموقع شيك على بياض من وكالة تأجير سيارات وطبعآ لانه مش في وعيه لازم اهله يسددون بهدل امه وخواته

طبعآ المدمن ماينسجن يتعالج المستشفى بلغوهم ان حالته متأخره يعني لو تشافى بيكون زي المجنون لانها تتلف اعصاب المخ

تندموا انهم مابلغوا عنه قبل على قولهم يخافون من الفضايح ....... خافوا على منظرهم جدام الناس ماخافوا من ربهم يحاسبهم على اهمالهم بأخوهم وأمهم المسكينه لأن المريض مريض ماعليه حرج وهم مسؤليين امام الله عنه ..... كان اهم شي عندهم محد يدري الحين العالم كلها درت ولما رجعوا لاخوهم لقوا المخدرات تالفه مخه يشوفهم ويضحك وماتأثر فيه الأخبار ابوه توفى كان عادي عنده امه شبه انجت ماعنده مشكله خواته مايبي يشوفهم نظراته للناس غريبه باختصار موته ارحم .....على قول خواته

وليومك ندمانيين عليه انهم مابلغوا عنه وعالجوه من البدايه


ترى المدمن تجيه اصوات من عقله ان ينتحر والدليل اغلب المدمنين يهددون بالانتحار بس بعد مايقتلون احد من اهلهم ...... نفس هذا الي كلمتك عنه كان دايمآ يهدد امه بالقتل وبعدها ينتحر


وانتي الي سويتيه صح وعين العقل حتى مايجي يوم تندمين اذا تسبب بحالة قتل لاسمح الله


الحين هم بيعالجونه وبيأهلونه كشخص سوي وبعضهم اعتقد يوفرون لهم وظايف تناسبهم لاتخافين عليه هو مش مسجون هو في مستشفى للعلاج وبيشوف ناس مثله وبيسمع قصصهم وبيرجع لكم افضل من قبل


بارك الله فيج اختي

بليز اختي ارسلي لي رقم الشيخ
انا نفس حالتك اخوي مبهذلنا