تسلميلي انشالله بس حبيت ضحكك شوي.....:hahaha:
بالنسبة للشهية لا تشكيلي ببكيلك لانه أنا كمان لسه الشهر الماضي عملت الحقن وأكيد الهرمونات بيصير فيها شوية لخبطة وشهيتي مفتوحة على الاخر من غير شي أنا أصلا بحب الأكل:32: ....بس انتي ما شاء الله وزنك منيح مو كتير بس برافو عليكي انك مراقبة وزنك...أنا بالكاد قدرت حافظ على وزن 62 والحمدلله حاليا وزني مناسب لطولي مع أني بتمنى كون 60 بس ماشي الحال مع 11 مرة ومنشطات وبلاوي يكتر خير الله...بالنسبة للفيتامينات, أنا من زمان كنت أخد مالتي فايتامين اسمه Centrum بس شو فتحلي شهيتي بشكل فظيع فوقفته فورا واستبدلته بواحد تاني ما بيفتح الشهية وصارلي سنين باخده...اذا حابة تنزلي وزنك وبنفس الوقت ما توقفي أكل حاولي تزيدي حركتك قد ما بتقدري مشان تحرقي يلي عم تاكليه, أنا أحيانا بحب اكل شوكولا وبعد ما باكل بندم بقوم بمشي نص ساعة لو حتى بالبيت نفسه المهم أصرف يلي اكلته... وكمان حاولي توقفي اكل تماما 3 ساعات قبل النوم ولا حتى سكرة...على كل حال هلأ لا تهتمي بالوزن بما انك مقبلة على عملية الحقن ولا تراقبي وزنك بهالفترة لأنه رح يزيد بس مؤقتا طبعا وباذن الله اذا نجحت بتنسي الوزن وسنينه....الهي وانت جاهي ينجح لك ياها هالمرة ويفرحك بشوفة الخطين اولا ورؤية طفلك أو أطفالك سالمين معافين امييييييييييين يارب...قلبي معك حبيبتي.....:)
تابع شلة الأمل بالله للراغبات بالحمل باذن الله........
متابعة النقاش، صفحة 61