بنات انا مقهوووووورة ارجوكم ادخلوا

السلام عليكم



بنات انا احس بداخلي قهر على اختي بس انا ساكته و حاطه هالشي بقلبي

اولا انا الاخت الكبيرة بين خواتي عمري 34 وما تزوجت و الحمد الله خواتي متزوجات

اختي ذاك اليوم جت واشتكت لي من مشكلة صارت مع زوجها.. مسكينه حسيتها مقهووورة و قاعده تفضفض..ما اقدر اقول لكم شنو المشكلة بالضبط بس الاسباب والله انها اشياء تافهه و ما تستاهل انه يزعل جذي.. وانا قاعده اهدي فيها

بس قالت لي شي والله يا بنات مت مت مت من القهر بس سكت و ما حبيت ابين لاختي اني انقهرت عليها علشان ما اشيشها على زوجها

قالت لي واحنا زعلانين و جه و اخذ حقه ويوم خلص عطاها ظهرة!!!!!!!!!!!!!!!!!!!!!!!

والله يا بنات مت مت يوم قالت لي جذي

حسيت ان الرياييل خسيسين


انزين انا انخطبت واهلي قاعدين يسالون عنه وباين عليه خووش ريال و خلاقه زينه على كلام ابوي واخواني

بس والله عقب ما اشتكت لي اختي ظلمت الدنيا بوجهي

اقول احتمال اني بالمستقبل راح انتزاعل و اذا جه يبي حقه والله ما اعطي لو انا زعلانه يعني بتلعني الملائكة بس شسوي والله حطيت نفسي بالموقف هذا والله ما اقدر اسوي مثل اختي واسمح له

لا تقولون انتي تزهبين الدوا قبل الفلعه لا والله انا الحمد الله عاقله .. بس سبحان الله المواقف اللي جذي تتكرر في بعض الزواجات

بنات والله احس اني صعب اعيش متزوجه لاني تعودت على حياة العزوبية.. ومرات اقول اتزوج اجيب لي ولد او 2 قبل سن اليأس ههههههههه :hahaha:

هم يضحك و هم يبكي

مادري احس اني فضفضت من القهر اللي فيني

وبليز اللي بترد رد يسم البدن ترا بسم بدنها بسم قاتل .. ترى حدي مقهورة مو ناقصة

30 تعليق 3,192 مشاهدة

شاركي في النقاش

سجلي الدخول لإضافة تعليق.

التعليقات

30
  1. @hrfalghla

    أصلاً من له نفس لهاشي و ياخذ حقه وهو زعلان غريب طبع زوج أختك الصراحه لكن في رجاجيل يعتبرون الزعل شي وحقه الشرعي شي ثاني ومن حقه ياخذه بأي وقت حتى لو على حساب راحت و نفسية زوجته مافيه إحساس ولا تقدير همه نفسه وسعادته وبس .. تقبلي مروري
  2. @aashyk_fhd

    وعليكم السلام


    يا وخيتي هذا ابليس يوسوس لك
    وتذكري كلامي
    بين الرجل وزوجته علاقه اكبر واعظم مما تتصورين


    الله يوفقك ويسهل امرك
    ويبعد عنا وعنك والمسلمين كل همّ

تابعي تجارب أخرى من هذا القسم.