السلام عليكم ورحمة الله وبركاته
بنات كيفكم عساكم طيبين..
خواتي اناودي استشيركم في موضوع..
انا اليوم المغرب كنت جالسه مع ولدعمي الي هو زوجي وعمي وزوجةعمي وقاعدين نسولف فقال عمي لزوجي متى بتمشون ؟ فرد عليه زوجي وقال الثلاثاء *****الله أستغربت من الي بيمشون وين يمشون واستحيت اتكلم قدامهم او اسأل وسكت بس جاني فضول اعرف مين الي بيمشي واكيد زوجي واحد منهم بس مين الباقين وين بيروحون ؟؟
لماشفت ولدعمي دخل يصلي العشاء استغليت الفرصه ورحت وراه وقلتله معليش يمكن سؤالي ماله داعي ومومن حقي أسأله بس معليش ممكن أسألك سؤال قال وشو ؟قلت عمي يسألك متى بتمشون وأنت قلت الثلاثاءمنهم وين رايحين ؟؟ قعدشوي مبتسم ويطالعني وفجأه قال أنا وأنتي ,فقلت وين بنروح ؟فقال تركيا شهر عسل ولا ماتبينا نسوي شهر عسل؟؟حسيت إن قلبي بيوقف وخفت كثير ,,بس عصبت وقلت ومن الي قالك اني بروح ؟فقال بكل برود لابتروحين *****الله..فقلتله طيب انت اصلا قلت بتاخذني شهر او شهرين وطلقني ؟وانا مقدر اروح معك لأي مكان لحالي وماأبغى اروح شهر عسل ,وليش ماسألتني وأخذت رائي في هالشي ؟؟فقال لو قلتلك بتقولين لا اما مسألت الطلاق فلاعاد تجيبينها على لسانك ابد وإذا رجعنا يصير خير ..فقلت ماني برايحه معك ولاأبي شهر عسل ..فقالي خلاص قفلي الموضوع وخليني اصلي وبعد مانرجع نتفاهم ..فقلت والله ماأروح ومافيه شئ غصب ,فقال بتروحين وأنتي طيبه ...وطلع ولاردعلي
بنات انا خايفه مره ولا ابغى اروح شهر عسل ولاشئ انا الحين انام بغرفه وهو بغرفه بدون ماأحد ينتبه من هله ..بس خايفه اروح معه لحالي تكفون وش اسوي هو كلمته بتروحين وانتي طيبه كلمه قويه ومعناها تحدي لي وخايفه مايطلقني زي ماوعدني .....
تكفون الي فاهمين في الحياه الزوجيه يقولون لي كيف اتعامل معاه وكيف اقدر اقنعه ماأروح ؟؟؟
الموضوع مغلق