قبل فترة كتبت موضوع استنجد فيكم بطريقة تخلصني من القمل بشعر بنتي
وماقصرتو صراحة بوقفتكم معي. والله على قد ماكانت نفسيتي تعبانه من هالموضوع على قد ما فرحت بردودكم
القمل وما أدراك مالقمل. توقعت انه انقرض من الوجود لكن للأسف مازال يعيش بيننا وخاصة الأطفال بسن المدرسه تصير بينهم عدوى بالمدارس
ومن خلال تجربتي مع بنتي استخدمت كل شيء.
نوعين شامبو وبخاخات وخل وديتول اخضر وخيار وكلها مع المشط الصغير. والله تعبت جدا صح ان القمل راح الحمد لله
لكن الصيبان ماراحت بكل الطرق اللي سويتها هذا غير اني اجلس عليها اكثر من ساعة فلي باليوم. وللمعلومية البيض يفقس خلال عشر ايام يعني كل يوم بتفقس مجموعه ويتكاثر القمل وكأني ماسويت شيء
واخيرا لقيت الحل اللي خلصني من الصيبان نهائيا ومن مرة وحده لكن انا احتياطا سويته مرتين
تعرفون فير التمليس أو فير السيراميك مدري وش اسمه
هذي صورته
المهم غسلت شعر بنتي واستشورته وبديت اقسمه خصل كبيرة وكل خصله اقسمها لخصل أصغر وأمر عليها بالفير من الجذور لأن الصيبان يكون قريب من جذور الشعر وحطي درجة حرارة عاليه. الحرارة راح تقتل الصيبان صح انها تبقى بالشعر لكن ميته ماراح تفقس ومع الوقت بتطيح يعني مامنها ضرر
مررت الفير على الشعر بالكامل ومن يومها الحمد لله راح القمل نهائيا
حبيت افيدكم بتجربتي زي ما استفدت منكم