شاركي في النقاش

سجلي الدخول لإضافة تعليق.

التعليقات

10
  1. @klam_alaakl

    الله يشفيه
    معقوله الاطباء النفسيين
    على طول حبووب,,, ليش مايكون للمريض جلسات علشان يساعده
    على ابعاد وتخليص العقل من الافكار السلبيه
    وولدك محتاج انه يتخلص من الافكار السلبيه اللي براسه


    وهذا رابط مفييييد
    http://www.eftinfo.com/portal/
  2. @bnt_nas_1_1

    ياعمري الله يشفيه يارب
    ويريح بالك
    بما انه قناه الوصل بينك وبينه مفتوحه وياخذ ويعطي معك ويفضفض هذا شي ايجابي
    حاولي دائم تقعدين معه سبب ضيقته وتعبه مو حبه للبنت مو مقنع هالسبب اذا مودلع
    يكون في سبب ثاني بكلامك معه وتواصلك الدائم بالحديث معه راح يبان
    خليه دائم يحكي وخذي كل الي بخاطره
    ووقت النصح تكلمي معه باسلوب المتفائلين فيه وبحياته القادمه وانك انتي ووالده حاطين الامل عليه
    وان شا الله ينفع هالاسلوب معه
    بصراحه الشباب بهالعمر متعبيين اخوي بعمره ترك الدراسه سنه وبعدها الحمدلله رجع
    ولاتنسين اثر الدعاء له
    الله يحفظه لكم
  3. @am_alhnof_4

    ياقلبي حاسه والله بمعاناتك الله يشفيه لك وتفرحين فيه يارب
    اول شي يااختي استعيني بالله سبحانه ادعيله والحي بالدعاء لله تعالى وتصدقي عنه لو شي يسير وحاولي ترقينه باستمرار ولا تفتري ولا تملي ترا بيجيك الفرج بإذن الله وحاولي دايما تاخذين وتعطين معه وابوه بعد لازم يكون قريب منه في هالفتره بزياده
    انا ياختي اكلمك من تجربه حصلت لبنتي عمرها ١٠سنين وتخيلي قبل سنه ونص ولدت وقبلها حامل وتعبانه انشغلت عنها شوي واهملتها نوعا ما والله العظيم انها صارت ماتنام الليل ودايم مصدعه ومرهقه ووجهها شاحب ودايم اسألها وش فيك ياامي ترد بس تعبانه وسبحان الله طحت على ورقه والله العظيم كاتبتها بين دفاترها تشتكي مني وتقول ماما بعيده عني وماعاد تحبني ومن هالكلام واقوم واغير معاملتي معاها بالمرررره زودت الحنيه حبتين وصرت اسولف معاها واناديها تساعدني وادلع فيها اقسم بالله كل اللي قلته قبل اختفى رجعت بنتي باسم الله عليها احسن من قبل بكثييييير
    فأنتي تولي على الله واهتموا فيه وارفعوا همته وحمسوه دايم وامدحيه وانتي تسولفين مثلا بالتلفون وكنك ماتدرين انه يسمعك خليه يزداد ثقه بنفسه وقدام اخوانه قوليلهم هذا اخوكم عزوتنا وسندنا بعد الله سبحانه وتعالى لانه واضح انه حساس ونفسيته تتأثر بسرعه ومايمنع بعد انك تدورين لك دكتور شاطر واعرضي عليه حالة ولدك وياربي يشفيه لك ويعافيه وتلبسينه بشت العرس بعد 
  4. صاحبة الموضوع
    السلام عليكم حبيبات قلبي اللي ردو علي


    والله كلامكم عين العقل وزين المشوره



    الاذكار الحمد الله اقولها وولدي دايم يطلب مني اني ارقيه دايم يقول اقري علي عشان يرتاح

    وكل اشوي تشوفينه يجي يسلم علي ويحب راسي يقول ارتاح

    وانا والله ماقصر معاه من ناحية النصيحه دايم اقوله ان اللي انت فيه مو بس انت اللي يصير لك


    كل الناس يجيهم تفكير يضايقهم وينهمون ويحزنون ولا تفكر انك مريض انت مافيك شي

    دايما يقول لي يايما ابي اتخلص من هالاشياء اللي تضايقني وانا اذكره بالله وانه يتوكل على الله وان الله هو اللي بيشافيه

    وهذي فتره وتروح انا دايما ارفع من معنوياته لما يتكلم معاي وهو كل اشوي يتكلم اصلا هو مخليني عايشه معاه معاناته

    حتى احيانا اطفش من كثر مانا انصح فيه سمعت مره بالتلفزيون ان اللي يعانون من قلة الثقه بالنفس انهم يقون بنيتهم الجسديه


    طووول الفترة اللي فاتت وانا ياولدي روح سجل بنادي روح روح مو راضي يروح الطلعه عليه اصعب من الجبل

    لين ماكلمت خاله وجا اخذه بنفسه وسجله وراح ببداية الامر كم مره وبطل وانا انصح فيه روح ولاهو هنا

    اصلا لما اقوله روح عشان تستفيد يقول لي انتي تحسسيني بايام المدرسه لما كنتي تغصبيني اروح وانا ماابغى واتذكر واتضايق


    ماني بعارفه وش الاسلوب اللي اجيه فيه بكل الاساليب تضايقه حتى ابوه يتحاشى يتكلم معاه لانه دايم يلومه قبل وتعرفون

    الرجال ماعندهم تفاهم طل شي يبونه يصير بالقوه والصراخ فيكره اي كلمه منه حتى لو انها عاديه طول يومه بس يتنهد وويتأوه

    تعبان وتاعبني معاه والله حتى في عنده اليوم موعد بالمستشفى وسهر بالليل وقال ماني برايح


    احس انه ماوده بالمستشفى يقول وش بيسون لي ماراح يسون لي شي بروح للشيخ بس وانا اقوله طيب كذا وكذا الله سبحانه سخر ابن ادم واخترع الادويه لمصلحة الخلق وهالموعد صار له 3 اشهور كل اشوي يتاجل انا الصراحه عصبت عليه


    كل اسبوع يتاجل يارايح متاخر يامافي سياره سبحان الله كل مره يكون فيها موعد يصير شي مادري والله هي لحكمه والا اايش


    وانا عنة نفسي برضو ماني مرتاحه لهالدكتور اللي قال عنده وسواس قهري


    ودي اغير الدكتور بس ماني عارفه كيف


    وودي لو يكون في احد يعرف دكتور كويس لمثل هالحالات بالشرقيه او الرياض الله يجزاكم الف خير


    الاخت اللي بجده الله يعطيك العافيه بعيد مره


    اشكر من قلبي كل وحده ردت وريحتني بكلماتها النقيه والله يجزاكم الجنه ولايطيح لكم مخلوق من عافيته

    ويخليلكم كل ماتحبونه ويييسر ويسهل لكم اموركم يارب
  5. صاحبة الموضوع
    الله يعافيكم بنااات ويين مواعظكم ونصايحكم


    لاتبخلون علي الله يجزاكم الجنه

تابعي تجارب أخرى من هذا القسم.