شاركي في النقاش

سجلي الدخول لإضافة تعليق.

التعليقات

16
  1. antwanet

    هلا ياعزيزتي وآسفة على التأخير

    مقاسك 36 بس ماذكرتي بأي قياسات
    لكن عموما 6 امريكي يعني :
    10 انجليزي واسترالي
    28 مكسيكي
    36 الماني
    38 فرنسي
    40 ايطالي واسباني

    ليش ذكرتلك المقاسات ؟
    عشان لما تروحين تتأكدين في المحل ايش المقاس بالضبط .. لأنه مثل ماشفتي الفرق بسيط بين الأمريكي والأنجليزي
    والأوربيات نفس الشي ..
    لذا احرصي لما تشترين تتأكدين انه مقاسك المضبوط ..

    أما عن سؤالك عن الرأي بالمقاس ..
    بصراحة هو شي يعتمد .. اولا على بنيتك .. حجم البنية له تأثير بالمظهر
    ثانياً .. الرشاقة والسمنة دائما تكون لها مقااييس مختلفة بعين كل شخص .. وطبعاً كله يعتمد على الطول ايضا وكثافة العظم ..
    يعني فيه بنات اوزانهم 54 ويحسوون انهم ممتلئات ويبوون ينحفوون ويدورووون على الريجيمات
    وبنفس الوقت فيه بنات اوزانهم 54 ويحسون انهم جدا نحيفات ويبحثون عن طرق لزيادة الوزن ..
    الرشاقة والسمنة شي شخصي .. والحكم عليه من الخارج صعب ..

    انا بفترض انك من ذوات البنية الصغيرة .. ولو كنت غلطانه علميني ..
    بالتالي لازم تبتعدين عن الملابس والأزياء اللي تخليك ضئيلة .. حاولي تشترين الملابس اللي تبرز حسنات جسمك ..
    مثلاً لو كان خصرك نحيف ومناسب .. حاولي تاخذين الملابس المخصرة وتضيفين عليه حزام عريض (( عالي على الخصر تماما))
    أما اذا كان خصرك عادي وشبه مستقيم مع الجسم .. ابتعدي عن الحزام العريض خذي حزام انحف ولو يكون شريط .. ايضا تقدرين تلبسين أحزمة الخصر النازل ..

    لو تعطيني تفاصيل اكثر ممكن افيدك اكثر عزيزتي ..
    ودمتي
  2. الاخت insomnia
    انت رائعة
    ممكن تقولي لي من وين لك كل هذي المعلومات
    ما شاء الله
  3. @bnt_aboha_1

    لا تشترين اول ماتروحين للسوق
    روحي وخذي لك فرة على المحلات وشوفي الملابس وطالعيها زين
    بعدين اذا رجعتي البيت تذكري اللي اعجبك وتخيلي نفسك فيه هل هو يناسب شكلك وشخصيتك ولا لا
    واذا قررتي اشتريها في الروحة الثانية
    هالكلام ماينطبق على الاشياء اللي تتواجد بشكل اساسي في الدواليب مثل التنورة السوداء والقميص والتيشيرت الابيض السادة .. الخ لانه قصاتهم وحدة وتناسب الكل
  4. Coffee
    انتي الأروع والله .. ومشكورة حبيتي ..

    antwanet
    قريت ردك على الخاص .. واسمحيلي ارد عليك هنا .. عشان تعم الفائدة ..

    من القياسات اللي ذكرتيها يبدو انك من ذوات البنية الصغيرة Petite .. والمقاسات الخاصة بهذه الفئة صعبة تلقينها في كل محل اذا انتي ساكنة في السعودية ..
    موجودة هذي المقاسات على ما اعتقد في ليز كليبورن .. والله اعلم .. واذا البنات يعرفون وين بعد ممكن يفيدونك ..

    لكن لحسن الحظ .. ان عندنا كثير محلات تبيع بضايع آسيوية .. وهم مقاساتهم Petite لصغر اجسامهم ..

    اتمنى اني اكون افدتك ولو بالقليل ..
  5. صاحبة الموضوع
    اشكرك اختي وايد على ردك لي
    لكن شنو ليز كليبورن >>>ما عرفته

تابعي تجارب أخرى من هذا القسم.