شاركي في النقاش

سجلي الدخول لإضافة تعليق.

التعليقات

72
  1. @shrt_klbo

    ياللي ماجاتك رساله تاكيد ف ايميل موجود بنفس صفحه لقاءات تحت راسليهم عليه وقوليلهم انو ماجاتك رساله منهم
  2. @shrt_klbo

    يابنات جدة انا رحت للقاءات الاثنين طبعا اول ماتدخلي الامن برا نساء طبعا يطلبون منك تطلعي بطاقتك الاحوال حقتك او كرت العايله والرساله التاكيد اللي جات ع جوالك وبعدين يدخلوكم قاعه وكل مره يطلعوا مجموعه ويروحوا عند المشرفات يسجلوا اسماؤكم وارقام جوالاتكم اللي ارسلوا عليها الرساله والسجل المدني ورقم مجموعتك ويقولولكم تروحوا عالقاعه اللي بيختبروكم فيها طبعا هو اختبار تحديد الميول المهني يدوكم اربع اوراق اجابات تصحيح الي اورنج وازرق ووردي واخضر الوانها وطبعا تكتبي اسمك واسم ابوك واللقب بالانجليزي يعني احفظوهم كويس طبعا يعلموكم الطريقه تكتبي اول شي اسمك كل حرف لحال وتظللي الحرف من العمود وبعدين نفس الشي باسم ابوك واللقب ف الاربع الاوراق كلها وكمان سجلك المدني ورقم المركز هما يعلموكم وياليت من اول ماتدخلوا القاعه تبدوا تكتبوا بياناتكم لانها تاخذ وقت واللي مايمديها تكمل ف الوقت اللي تفضى فيه اهم شي اكتبوا بياناتكم كامله ف الورقه الاورنج والرزقا لانكم بتبدوا فيهم اول شي الاورنج لاختبار الانجليزي تجيك 3 مستطيلات الاول للقرامر والثاني للاستماع والثالث للقراءه وخلوكم سريعين لانه ف وقت اول شي القرامر كان 25 فقره من1-13 تختاري الكلمه الصحيحه ومن14-25 تختاري الكلمه الخطأ والوقت 10 دقايق للقرامر بعدين تبدوا الاستماع ونسيت كم الوقت وبعدين القراءه وكان الوقت20 دقيقه بعد مايخلص الوقت يسحبوا الورق ودخلي ورقتك ف كراسه الاسئله اللي هما اعطوك هيا حطي ورقه اجابتك تحت الغلاف الشفاف واسمك من برا هما يعلموكم كيف وبعدين يعطوكم كراسه القدرات وتجاوبي ف الورقه الزرقاء والوقت كان15 دقيقه و40 فقره يعني خفوا يدكم واسئله القدرات سهله والانجليزي لو ماجاوبتم زي بعض الناس<<ماتقصد نفسها خخخخخخ لاتخافوا بس بيشوفوا لان بعض الوظايف يبغوا انجلش..وبعد القدرات يعطوكم كراسه اسئله تقريبا 155 فقره اجاباتها اوافق بشده اوافق محايد زي كذا يعني عن رايك ..نسيت كم الوقت وبعدين يسلموكم كراسه اسئلتها عن الوظايف يعني تحبي تشتغلي ف مجال كذا وخياراتها لاارغب جدا ارغب ارغب ولاارغب وزي كذا وطبعا 160 فقره انكسرت يدي من التظليل الوقت 3 ساعات ولازم تخرجي قبل 12 عشان الرجال يبدوا 1 طبعا مافي رجال بتاتا كلهم نساء واللبس اغلبهم بالعبايات ...والمشرفه قالتلنا انو مالهم علاقة بحافز بس هما اخذوا بياناتنا من حافز لانهم برنامج يساعدك تحصلي ع وظيفه والنتايج تجيك ع جوالك اللي ارسلولك عليه اول ..يارب اكون وضحت لكم ماابغي منكم الا دعوه حتى لو ف سركم مو لازم تكتبوا ان الله ييسرلي اموري ويسلهلي الخير ايما كان ..
  3. @smasm_kol

    يعطيك الف عافيه سحرت قلبو يعني لو مارحت يستبعدني من حافز
    انا حجزت موعد وماارسلو لي شي لحد الان وبصراحه مالي رغبه اروح
    دقت علي وحده من مكتب التوظيف في جده كانت تسالني اذا ابغى وظيفه
    مالها علاقه في حافز واللي تبي تتوظف يابنات تقولي اعطيها رقمها وراح تساعدكم ان شاء الله انا ماابغى لاني مو مستقره كل شهر في مكان الله يوفق الجميع

تابعي تجارب أخرى من هذا القسم.