السلام عليكم
طبعا خلصت موضوع الاخت ظبيانيه وانا اعصابى متوترة من ردود بعض البنات الله يهديهم
وقبلها مواضيع قريتها برضه ترفع الضغط
استغرب من التناقض العجيب عند البعض
والخلاصه من اغلب المواضيع
ان الحرمه تحب اهلها ولا تسمع فيهم كلمه وحده من زوجها
وعند اهله بحريقه
ليه
الدنيا اخذ وعطا
زى ماانت تحبين اهلك امك خواتك اخوانك
هو بعديحب اهله عاش معهم نص عمرة ويحبهم
والمثل يقول
( اهلى ولو جاروا على كرام )
طيب
الاخت فى موضوعها تبى حل يرضى الطرفين ماودها تخسر زوجها وبنفس الوقت ودها برضا امها ما غلطت جزاها الله خير
والبنات هاجموها
امك وامك ومافيك خير وهو بالطقاق
واللى تقول لو توصل للطلاق
ايش ذالكلام
ولو انها قالت ام زوجى عندى وزوجى ضغط على
كان الكلام كله تغير
يعنى الرجال ماهو مطلوب منه انه يبر بأمه
سواء انها عايشه معه على طول او انها جاته زيارة
لو انها قالت امه جت تزورنا وبتبات عندنا وانا احس انى ما خذ راحتى كان هبوا البنات وقالوا ليش تجى عندك وانت مانت ملزومه وماله حق يجيبها
صح
اغلب البنات بيردون كذا
ليه امك تعبانه عليك ولا هى تعبانه امه عليه
كل واحد لازم يبر بأهله امه وابوه
استغرب من التناقض العجيب
اقلها حب لأخيك ماتحب لنفسك
ولا موضوع الاخت اللى مالهم الا اخوهم
اللى تقول سافروا انتم لوحدكم وخلوه هو ومرته
ليه .....ليه
ابى اعرف
تحب تروح لأهلها وتكرة تروح لأهله
شوفوا ردود البنات على ظبيانيه
اللى تقول والله لو انا لأطلب الطلاق ولا يكرة امى
طيب يوم تجى عند امه وتكرهينها وتسوين كل ما بوسعك حتى انه ما يعطيها وجه ليه امك تحس وامه قلبها حجر
يابنات
اتقوا الله فى حياتكم
اتقوا الله فى ازواجكم
اتقوا الله فى امهاتكم
مثل مالك حقوق عليك واجبات
انا ما اقول ان الوحده ملزومه بأهل زوجها وخدمتهم انا ما تكلم عن الناحيه ذى انا اتكلم انه لازم تعينين زوجك على البر بوالديه وصلة الرحم مع اهله
لاتعينين الشيطان عليه
فهمتونى
اكسبى من كل الاطراف
اول شىء رضا رب العالمين ثم رضا الوالدين ثم رضا زوجك
طهروا نفوسكم من الحقد
صفوا نفوسكم
والله ورب محمد لو تفكر كل وحده وتبحث فى مشكلتها مع اهل زوجها بتلقى ان الخلاف على شىء تافه مايسوى انها تقلب الدنيا عليه
ودا اهله ما ودانى اشترى لأمه ماشارا لى مدرى ايش ما سوا معى امه تتدخل فى حياتى اخته تغار منى
مدرى ايش ..........
وينكم عن حريم من اول الله يرحمهم ويغفر لهم
الوحده مكروفه وفوقها لعنه بعد
احمدوا الله على النعمه احمدوا الله كل شىء متوفر وكل شىء تحت يدينكم والوحده من كلمه ولا حركه جات تشتكى
وين الصبر
وين حسن الخلق
وين ادفع بالتى هى احسن
وين حسن الظن
وينكم عن القران والسنه
وينكم يا امة محمد
عن اخلاق رسولنا الكريم
واسفاه
المشكله انه مافيه وحده منكم جاهله كلكم متعلمات ومثقفات بدليل دخولكم على النت لكن للأسف
الاغلب منكم باقى يبغالها تعليم من جديد
سامحونى طولت عليكم لكن والله لمصلحتكم واتمنى انكم تعيشون حياة سليمه وبيوت مطمئنه
لاتخلون الشيطان يطغى على قلوبكم
حبى للأخرين ماتحبينه لنفسك
وعاملى الناس بالنيه الحسنه
واجعلى الله دائما فى عقلك وقلبك
وفقكم الله لما يحبه ويرضاة
وسخر لكم ازواجكم وابنائكم
شاركي في النقاش
سجلي الدخول لإضافة تعليق.
التعليقات
8- الله يسلم بطن جابتك
هذا الكلام الي يرد الروح دايم اشوف شن حملات على اهل الزوج انا ما اقول انهم ملااااك مايغلطون لاكن اغلب حريم العيال جايه وشانه حرب وعلاقه رسميه ومدري شنهو وتتملك الولد ع اتفه الاشياء - الله يهديهم وينور بصيرتهم
بعض البنات تجي تدور نصيحه
يجون يردون عليها ويقلبونها مشاكل وهوشهات ويكبرونها
اعملوا بقول الرسول عليه الصلاه والسلام ( " من كان يؤمن بالله واليوم الأخر فليقل خيراً أو ليصمت"
يعافيك ربي يالغلا - كلامك قمه في الرووووووووووووووعه
ادا دل دل على انسانه عقلنيه وناضجه بنتي وحيدتي كلامك قمه في الرووووووووووووووعه ادا دل دل على انسانه عقلنيه وناضجه
ااااه ما اقدر اقوللك الا لا فوض فوكي اختي- الله يوفقك ويجزاك خير بارك الله والله يعينا على بر والدينا واحترم الاخرين
مواضيع مشابهة
تابعي تجارب أخرى من هذا القسم.