ملف المقبلات على اطفال الانابيب والحوامل في دولة قطر (التجمع العاشر )

صباح الخير كود وجميع خواتي ،، سلامتج كود والله يكتب لج في الحجامة علاج ودوا ،، بس وين سويتها وعادي اي حد ايسويها ،،أنا وحدة مستعدة اجرب كل شي من باب السعي والله يكتب لنا الذرية الصالحة،، انتي شنو مشكلتج؟ أنا صار لي اربع سنين بين علاج وتسقيط ،، والحمد لله الله يجعل لنا في كل خطوة اجر وتكفير عن ذنوبنا ،، عجبتني اخر جملة كل الي كانوا بالتجمع احملوا الفال لي و لج للباقي

انا سويتها في مركز اراك في معيذر فيه وحدة اسمها ام محمد تكلمينها و تاخذين موعد و طبعا ما يكون فيج الدورة يفضل اول ما تغسلين .. انا سمعت انها فادت وايد ناس.. سوي بحث عن الحجامة و شوفي .. لو حابة ارسلج رقمها على الخاص .. في بعد مرت الشيخ عقل اللي في سوق واقف بعد يمدحونها بس انا قلت صوب سوق واقف زحمة مع اني عارفة ان ادواتهم مطورة اكثر و عندهم اجهزة من المانيا يمدحونهم وايد .
انا عندي وايد مشاكل خخخ:09: عندي تكيس .. رحم ذو قرنين .. صار لي حمل خارج الرحم مرة فشالولي قناة فالوب اليسار و اخر مرة قناة فالوب اليمين صار فيها بعد حمل وعطوني ابرة كيماوي تنزل الحمل و الحمد لله عندي اسقاطات بعد و سبحان الله بويضاتي تكون ممتازة مع الانابيب بس ما يصير حمل .. عندي ولدين الحمد لله ..و لله الحمد من قبل و من بعد ..

كود هلا فيك والف سلامة وربنا يكتب لك الشفاء في الحجامة ..
والله كتيير بقراء عن بنات حملو بعد الحجامة والفال لك يارب ..

بفكر اعملها لكن كتيييير خواااااااافة ..



فعلا يا عسل ما شاء الله تبارك الله وعقباااااااالناااااااااا ياااااااارب اميييييييييييييييييييييييين

ايوه ما شاء الله خلال تقريبا سنتين لي في التجمع ما شاء الله ناس حملت و ناس ولدت الله يجعلنا منهم يا رب عاجلا غير اجل ..




ما شاء الله صج الايام تمر الله يسير لج امرج يار ب.. انا ولدت في حمد على البركة .. لان حتى لو تابعتي مع دكتور معين مب شرط كون موجود وقت الولادة الا اذا كان في اتفاق سابق بينكم و احيانا بصراحة سمعت في ناس تدفع فلوس للدكتور .. بس الشفت اللي ولدت فيه كانوا حبوبين ..
الله يهون عليج يارب و يفرحج بالبنوته يارب بين ايديج ..:)