السلام عليكم
بنات أنا متزوجه لي ست شهور ماشفت من زوجي الا كل خير بس أنا اكرررررررررهه حاولت أتأقلم واكيف نفسي قلت يمكن بداية الزواج كذا بس ماني مرتاحا واكرهه ومااطيق حتى اجلس معاه او اكلمه بالتلفون
اذا داوم اذا راح للبقاله للمسجد ودي انه يتاخر مايرجع بدري
مررررره يابنات ماني طايقه حتى اسمع طاريه وبدون سبب
ولاتقولون وحام او حمل لأني ماني حامل ومن اول ماتزوجت وانا هذي مشاعري كل يوم اقول بكرا تزين
مع العلم اني أنا وافقت عليه بإرادتي وباقتناع تام محد جبرني عليه
وش السبب يابنات ؟
أنا حاليا افكر بالطلاق لأني ظالمه نفسي وظالمته معي مابي الله يعاقبني بس قلت يمكن وحده كانت مثلي وتغير الوضع ودي اعرف وش سوت
تكفووون ساعدوني لأني بحاله سيئه اهلي يقولون ماقصر معك بشي حرام والله بيعاقبك !
الله بيعاقبني اذا قصرت معاه ماراح يعاقبني على قلبي الي مااملكه
وانا قريت حديث للرسول عليه الصلاة والسلام لما طلق المراه الي جت تشتكي له انها تكره زوجها مع انها مارات منه سوء
وش اسوي يابنات تكفووون ساعدوني
شاركي في النقاش
سجلي الدخول لإضافة تعليق.
التعليقات
57- طيب قبل الزواج ايام الملكه كيف كان وضعكم كنتي متقبلته اولا
وحاولي تسألين نفسك ايش الأشياء اللي تكرهينها فيه اللي فهمته منك انه تعامله معاك تمام لكن لازم يكون فيه شي ماتقبلتيه يمكن اسلوبه يمكن شكله يمكن طريقة تفكيره - تعوذي من ابلييسك
هذا الشيطان يبغى يفرقكم
مدام حبيب معك ترى الرجال بعضهم مايتعوضون لا ترفسين النعمه
عاد هذا شي طبيعي ببدايه الزواج
تحسين بس غريب بس لو يروح عنك بجد وربي ماتصبيرين عنه
رقي نفسسك وبيتك
وادعي ربك ان يحنن قلبك عليه
ترى الطلاق مو لعبه
انتبهي تسوينها مدام مابينكم مشاكل - قبل الزواج عادي فرحانه ومبسوطة بس كل شي تغير بعد الزواج
وبالتسبه انه اذا راح اشتقت له أنا لي أسبوعين عند اهلي وبالعكس كل يوم يزيد كرهه اكثر ويجيني اكتئاب اذا شفت مكالمه منه او رساله - حافظي على الأذكار وأرقي نفسك ,,,
- ارقي نفسك
يمكن وحده تحبه قبلك وما صار من نصيبها وتحسدك عليه
صدقيني تصير
الله يسخركم لبعض
مواضيع مشابهة
تابعي تجارب أخرى من هذا القسم.