ساعدوني أرجوكم .... أحس إني شيطان متحرك
السلام عليكم أولا أبدأ بأول نقطة أنا أصلي و أنا الوحيدة أصلا اللي أصلي في ذا البيت و منذ كان عمري 12 هداني الله و بدأت لوحدي بالصلاة و قيام الليل و قراءة القرآن يوميا و الحمد لله إلى يومنا هذا لم أنقطع
و الله ثم و الله إني أبتعد عن المحرمات صغائرها و كبائرها
طبعا أأمن بالسحر و العين و الحسد و لكن لا أحب أن أشك لأني لا أحب أن ألقي اللوم على غيري إذا حدث معي شيء
ألحين يا بنات من سنين عندي حالة إكتئاب و غضب غضب غيري طبيعي بس يزيد يوم عن يوم
يا ناس الغضب إلي في نااار نار نار بدون سبب بس بغيت أنفجر
و لا سمعت القرآن أو قرأته يضيق صدري بدون لا أحس إذا سمعت اسم محمد صلى الله عليه و سلام اشماإز و أصير العنه:44: أستغفر الله أقسم بالله بدون ما أحسن بنات و الله ما أقدر أتحكم بنفسي و أولع و أصير أقول كلم بذيء بس ألعن ألعن :44::44:
عندي حالة غضب غير طبيعية و مرات اسرح و أفكر بكل أنواع الشرور إلي أبغى أسويها و عقب يرجع لي عقلي
لا بديت بشغل أبطله لا خطبت أفركش كل شي ألحين مملكة على ريال زين و الله ما به شي و بدون سبب أبغى أتخلص منه ، صديقتي كلهم تخنقه وياهم كان عندي صديقة بدون سبب قطعت علاقتي فيها ربيعتي واحدة ثانية شتمتها و قلت لها إنتي عاهرة بدون سبب أقول لكم والله مب يدي فقدت السيطرة أمي تقول لي مسحورة لأن حماتها جدتي يعني أم أبوي تسوي كل أنواع السحر بس أنا ما أصدق لأنه أمي تكرهها أصلا فطبيعي تقول عنها هالكلام
مرات أعود طبيعية .. ما أدري و الله أحس عمري شخصين في جسد واحد .. مرات أحس إني بخير و أرجع أتكلم نفس الناس و أسولف بمواضيع و بالعكس من يشوفني في حالتي العادية يقول إني إنسانه كويسة و أنا و الله ما أشكر نفسي بس أقسم لكم بنات أنا لست شريرة و لا مجنونة بل إنسانه طيبة و حكيمة و عاقلة بالنسبة لعمري :icon33:بس لما تجيني هالحالات أتغير 180 درجة
أرجوكم بس قولو لي ويش أسوي أروح لطبيب نفسي ؟ ما تقولو لي رقية لأني ما أبغى والله لو يجيني شيخ ألحين أحس بذبحه ذبح ما أمزح
رجاء مين صار معاها هالشي قبل و شنو السبب ؟؟