سويت تحليل وطلعت حامل وأبغى أفضفض

حبيبتي قولي الحمد لله 

الاطفال زينة الحياة الدنيا واذا زوجك وامه مايبغونه هذا شي راجع لهم انتي تمسكي فيه وقولي هذا رزق من عند ربي 

فيه كثير غيرك جالسين يدورون من مستشفى للثاني ويدفعون اللي قدامهم واللي وراهم عشان يبغون الضنى وانا وحده منهم وانتي جاك رزق وتبغين ترميه

الحمد لله  راتب زوجي 3000 يدفع منه 1850 اقساط ويبقالنا 1100 والحمد لله جالسين ندور عالضنى والله اللحين سجلت في حافز بس عشان اجمع حق عمليه تلقيح بس ان شاء الله مايقطعونها بسرعه عشان اكمل الفلوس 15 الف او على الاقل نصها

ربنا يرزقك بالولد الصالح ان شاء الله ولا تفكرين في الاجهاض وعسى ان تكرهو شيئا وهو خيرا لكم

سبحان الله الطفل يجي ورزقه معاه لا تطوعينه اختي في نزول الجنين الله يجزيكي خير

ويطمن بالك ويهدي سرك

ما تعرفين يمكن الجنين هذا يجي برزقه معاه مو يمكن الا اكيد

وربي يفتخها عليكم

لا تشيلين هم ومع الوقت بيرضى زوجك والباقين ما عليك فيهم

الحمدلله

الناس يتمنون العيال انتي متضايقه انتي وزوجك وامه

كلكم غلطانين العيال نعمه مايعرفها الا اللي فقدها

وكل بزر يجي معه رزقه الله هو الرزاق المعطي سبحانه

انا لله وانا اليه راجعون
استغفري ربك وتصدقي توبة الى الله عشان يغفر لك ذنبك ومايعاقبك مهما كان قصدك ومهما كان السبب ومهما كنتوا مضغوطين صدقيني انتي اذنبتي والله وحده يعلم والله يغفر ذنبنا وذنبك

اختي الحمدلله عندها عيال بنت وولدين ماشاء الله تبارك الله وحالتهم الماديه متوسطة لكن كانت تبغى ترتاح من هم التربية وصياح البزران وكمان ودها تتوظف
ولمن طلعت من النفاس جلست 6 اشهر وحملت وانصدمت زي ماقلتي وتضايقت مو كثير لكنها بكت تقول غصب عني ومن غير رايي وزوجها يهديها يقول خلاص صار اللي صار

والحمدلله حمدت ربها بس عقب مابكيت وبعدين جابت الولد بعملية قيصرية وصارت عنده مشاكل ماطلع من المتشفى الا بعد 3اسابيع من الولاده وطلع عنده مشكله ويحتاج عمليه الحين عمره 3سنين وهي خايفه عليه تنتفض من الخوف عليه وماتبغى يصير له شيء ومتحسفه على كل دمعه نزلت منها والحين ودها يسوي العمليه وتنجح وخايفه من عدم نجاحها

هذا وهي بس بكيت غصب عنها والله لا استكت ولا شيء

وطبعا كل شيء بيد الله الحمدلله على كل شيء وعلى كل حال

احمدي ربك غيرك يتمناهم استانسي وروحي صلي واسجدي واحمدي ربك بالسجود وكثري من الدعاء بأن الله يهديك ويرزقك الذريه الالحه ويرزقك خير كثير وحلال طيبا

واذا على الرزق الله هو الرزاق انتي بس دعي الله وكثري واستغفري في اليوم الف ويزيد الاستغفار سبب في زيادة المال والبركه وغفران الذنوب وكمان تصدقي لو ب5ريال كل اسبوع وبيعوضك الله عن الفلوس باضعاف مضاعفه انتي جربي مرتين ثلاثه وبتعرفين كيف تتضاعف الاموال بالصدقات

صدقيني انا ما اعرفك ولاشيء لكني خفت عليك من كلامك واحاول اساعدك باللي اقدر وانصح نفسي قبل انصحك اختي

اسمعي كلامي وفكري واستغفري ربك واستانسي بحملك وافرحي به وكثري من الدعاء وجهزي لمولودك وكأنك اول مره تنجبين