شغالتي تبكي وأبكي معاها

السلام عليكم ورحمة الله
كيفكم يا بنات
بدخل بموضوعي على طول
يوم الجمعة صحيت الظهر الحمدلله طيبين وبخير والا أشوف تلفوني يرن رقم دولي وارد والا ألاقي وحده تبغى تكلم شغالتي وعلى طول ناديتها لانها من كم يوم تبغى تكلمهم والا تقولها الخبر الشين ان زوجها مات وتعالى شوفو شغلتي بكت بكت عمري بحياتي ما شوفت زي بكاها وقعدت أهديها وأبكي معاها ما قدرت امسك نفسي قالولها من يومين دخل المستشفى تعب فجأه والخميس مات
اااااه يا قلبي والله أني مره اتعاطفت معاها ايش المصيبة اللي نزلت علينا لاحول ولاقوة الا بالله
شغالتي عندها بنتين بس واللي متعبها اكثر تقول مدام أخت زوجي الي كلمتني تقول متى تجئ تأخذي بناتك إحنا محنا ملزومين فيهم والله أني انقهرت منها يعني أخوك دوبو مات وتسوي كذه في بناتو وفعلا بعد شويه الاىتتصل مره تانية وكلمتني طبعا شغالتي فلبينيه وكلمتني بالانجليزي عشان تفهمو الا تقولي مدام متى ترسلوها لازم ترجع والله يا بنات لو تشوفو صوتها ولا كان اخوها اللي مات مره عادي بس تبغى الفكه من بناتو طبعا هي ماهي متزوجه وساكنه مع أمها بس تتكلم نيابة عن العيلة روحت رديت عليها بقهر قولتلها مؤ الان أعطيك الرد وقفلت السماعة بوجهها
ويا عمري على شغالتي جالسه تبكي وتقول أنا خايفه على بناتي لان اهل زوجي ما يحبوني ومن يوم أنا عروسه في مشاكل بين عيلتنا وعيلتهم عشان كذه ما يحنو عليهم
والله ماني عارفه أيش اعمل أنا معلمة وعندي ولد وساكنه بمنطقه لوحدي لا عندي أهلي ولااهل زوجي وثاني حاجه شغالتي جداً محترمه وشغلها نظيف ومريحتني الله يريحها بس لما شوفتها تبكي ودموعها ماوقفت قولتلها خلاص اسفرك عشر ايام وترجعي فرحت وقالت أنا أبغى اشتغل بس لازم اروح أشوف بناتي وأقرر فين احطهم قولت طيب وهي تستأهل المهم لما قولت لزوجي قالي ما أظن اذا بنوديها نقدر نرجعها حتسافر خروج بلا عودة لان مكاتب الفلبين زي اندونيسيا لسه ما فتحو التقديم
اااااااه يا بنات والله أني مهمووومه واليوم غبت كمان من التفكير كل ما أشوفها أتعاطف معاها وأقول حرام إحنا ماعندنا قلب نحس فيهم واحط نفسي مكانها وبنفس الوقت كيف اسفرها وماترجعلي
بالله يابنات اللي عندها خلفيه عن الموضوع تساعدني وتفرج همي

دمتم بخير