شاركي في النقاش

سجلي الدخول لإضافة تعليق.

التعليقات

88
  1. @mngo

    ياعزيزتي مدري ليه أشك وبقوه إنها بترجع ... يا ما أكلنا من هالمواقف

    وأنا من تجيني شغاله وتقول بروح حصل ظرف موت ولا مرض ما أثق أبد إنها بترجع

    أجل تقولين بتروحينها عشر أيام وترجع ليه وش دعوه الفلبين جنبنا !!!!!!!!

    أنتي إستخيري وفكري بعقلك وشوفي إلي يريحك إذا بتسفرينها وتنتظرين براحتك

    وإذا شاكه مع إني أشوف ردودك ماعندك ذرة شك فيها خليها تروح ماتقدرين تغصبينها

    بالذات الفلبينيه دمهم حار مايتحملون وقدمي غيرها الشكوى لله والخيره فيما أختاره الله
  2. اذا رجعت افلقيني



    من له حيله فليحتال
    انصحك تخلينها تكلمهم وسجلي المكالمه وترجميها وتعرفين ان كانت صادقه او كاذبه

    ع العموم ترجع اذا اقامتها سارية المفعول
  3. السلام حبيبتي
    نفس الوقف بالضبط صار لي من شهرين
    شغالتي فلبينيه تجججججن نظافه واخلاق موب طبيعيه وتحب عيالي موت
    عندها ولد واحد وهي من جتني قالت ان ولدي تعبان فيه المرض الشين علشان كذا انا محتاجه اشتغل
    جلست عندي ست شهور وبيوم اغبر ههههههههههه اتصلوا عليها وقالوا انه مات واغمى عليها وصاحت صياح وصحت معها قطعت قلبي ولدها الوحيد واهلي صاحوا وجيراني ههههههههههههههه
    وقعدت تبوس يدي وديني عشر ايام بس ادفنه وارجع وبحسن نيه وطيبه مني سوينا لها خروج وعوده وحجزنا لها العوده بعد اسبوعن واعطيناها فلوس وراتب كامل علشان مصاريف الدفن غير اللي اعطوها اهلي واعطيتها انا وراتب مقدم

    وراحت وكلمتها بعد يومين اتطمن عليها لان مسلسل الطيبه حقتي ما خلص وقالت لي لا عاد تتصلين وانا ما ابي ارحع
    وطلع ولدها لا مات ولا هم يحزنون قالوا لي الشغالات الثانيات

    اموت واعرف انا وشسويت لها والله شايلتها من الارض شيل ومحترمتها كله لاني موظفه وتاركه بنتي عندها هذا اللي كاسر ظهري وكانت هي زي العسل

    ابد اقرى تو قصة شغالتك واضحك على طيبتنا اللي موديتنا بداهيه

تابعي تجارب أخرى من هذا القسم.