شاركي في النقاش

سجلي الدخول لإضافة تعليق.

التعليقات

1,998
  1. @noody30

    صاحبة الموضوع
    عليكم السلام و رحمة الله و بركاته

    حبيبتي أم باسل

    جزاكي الله خيرا على الرد يا غالية، طيب بس أروح أي تخصص؟؟؟ اروح أنف و أذن و حنجرة الاول و هو لو مش تخصصه يحولني على تخصص تاني و الا ايه؟؟ و ربنا المعين
  2. السلام عليكم و رحمه الله و بركاته
    ازيكم كلكم يا بنات يا رب تكونوا بخير
    نودى حبيبتى الف سلامه عليكى بس أحسن حاجه إنك لازم تروحى لدكتور و هو يقولك علاجك معاة ولا يحولك على حد تانى و ربنا يشفيكى يا حبيبتى يا رب
    هبهوبه سلامه إبنك ألف سلامه . والله كلامك إنتى و ام يوسف خوفنى شويه لأن أنا أصلا عظمى بايظ شويه و مش بشرب لبن كتير بس إن شاء الله من النهاردة هحاول اغير النظام و ربنا يستر
    كهرمانه حبيبتى ربنا يقومك بالسلامه و ماتقلقيش إنك مش عارفه البيبى بنت ولا ولد . صاحبتى كانت كدة برضه بس البيبى كان مديهم ضهرة لحد قبل ما تولد بشويه فما تقلقيش خالص ربنا معاكى و يرزقك طفل حسن الخلق و الخلقه يا رب
    أم أبيها ازيك و إزى ضرسك و بنوتك يا رب تكونوا بخير. بالنسبه للبقوليات أنا أصلا مش بآكل كتير خالص بقالى فترة ولا بقوليات و لا غيرة لما ماما هتتجنن منى والله بس أعمل ايه ماليش نفس و لما بغصب على نفسى بطنى بتوجعنى و الحمد لله على كل شىء
    أم يوسف ما شاء الله عليكى كلامك بيعجبنى اوى و بينور المضيفه و ربنا معاكى إن شاء الله
    أم جوجو ازيك و إزى البنوته ؟ إن شاء الله تكون بقت كويسه
    منى انا مش عارفه إنتى كنتى عيانه بجد ولا ايه ؟ بس عامه سلامتك الف سلامه يا حبيبيتى و ربنا يبعد عنك كل شر
    هبه مالك تقلانه علينا ليه يا جميله؟ وحشتيييييينى
    دون والله لما بشوف كلامك مكتوب بعرف إنى هضحك على طول ربنا يخليكى لينا يا رب
    رانيا ايه أخبارك إنتى و البنات ؟ و اليابان بقت عامله إزاى؟ والله نفسى أروح تانى بس واضح إن مافيش نصيب الحمد لله
    رواء و أم ديموس و كات و أم باسل و لؤلؤة و كل البنات ازيكم كلكم ؟
    لؤلؤة ربنا يشفى ابنك و زوجك يا رب
  3. @am_abyha74

    صباح الخيرات يا بنات عاملين ايه

    يا رب تكونوا بخير

    أمل

    سلامتك يا ست العرايس طبعا لازم تكشفي زى ام باسل ما قالت وتروحي لأنف وأذن الأول وشوفي هيقوللك ايه وطبعا الشغل بيقصر وتقديري ان في شغلتنا دي لازم تتغذي كويس قوي والا هتلاقي مخك فوت فتلاقيكي اهملتي في الأكل بقالك فترة

    منى

    الف سلامة عليكي من السخونية يا رب تكوني احسن دلوقت

    دينا

    انا لاقيت فراخ حمرا مش بلدي والكيلو 9.5 متهيألي معقول يعني خصوصا اني شايفاها قدام عيني مزأططة كده وبترقص من الفرحة

    هبهوبة

    جزاكي الله خيرا على المواقع دي لأن الخايب اللي قلتي عليه كلامه بينقط حقد وسم وكره للمسلمين والله ربنا يرد كيده في نحره

    بنات دايما قولوا الدعاء ده "اللهم عليك بمن عادانا واهد اللهم من والانا"

    لأن في ناس غير مسلمة كثير تستحق المعاملة الطيبة والدعاء لهم بالهداية

    مسلمة

    ولا يهمك اللي انتي فيه ده عادي اول ثلاث شهور وبعد ما يخلصوا سبحان الله كأنك دستي على زرار كل حاجة بتتوقف على فكرة الزبادي في نسبة كالسيوم 425 ميلي في العلبة وانتي محتاجة 1200 ميلي تقريبا على ما افتكر يعني علبتين زبادي من أى نوع حتى بالفواكه مع كوب عصير برتقال هيغطي الكالسيوم وكمان البطاطا فيها كالسيوم والسردين تخيلي والبرتقال ولما افتكر حاجة هاقوللك

    بنات عاوزاكم تدعوا لياسمينة لأنها يا حبيبتي مش بتنام من الكحة وصدرها مشخلل ومليان بلغم

    ادعوا لها امانة وسلام دلوقت علشان صحيت
  4. Noody30
    السلام عليكم و رحمة الله و بركاته صباح الفل عليكم يا بنات ربنا معاكي يا ام يوسف و يوفقك ان شاء الله و يطلق لسانك بالخير يا بنات بالراحة شوية بس على لؤلؤة، ماشي متفقين ان الروابط دي مش مفروض يتم تبادلها، بس لما ييجي حد يسألنا نقوله وجهة …
    اية يا نووووووودى انتى حتخوفينى ولا اية ؟؟؟؟؟؟؟دة انا كنت لسة حزغرط علشان الفراخ تقومى قبل ما ازغرط ترعبينى ؟؟؟؟؟؟؟؟

    انا اهو الدكتور بتاعك ..

    س .: هل جتلك يا بنتى الاعراض دى بعد ما كلتى الفراخ من المزرعه ؟؟؟؟:(
    ج :
    س : هل انتى متاكدة انها صوت كلاكسات العربيات يا بنتى ولا فراخ بتكاكى ؟؟؟
    ج :



    اوعى تقولى اةةةةةةة يا نوووووووودى لحسن انا اللى حتجيلى الاعراض وساعتها حروح مستشفى الامراض الفراخية:30:
  5. don
    اية يا نووووووودى انتى حتخوفينى ولا اية ؟؟؟؟؟؟؟دة انا كنت لسة حزغرط علشان الفراخ تقومى قبل ما ازغرط ترعبينى ؟؟؟؟؟؟؟؟ انا اهو الدكتور بتاعك .. س .: هل جتلك يا بنتى الاعراض دى بعد ما كلتى الفراخ من المزرعه ؟؟؟؟:( ج : س : هل انتى متاكدة ا…
    صباح الفل على نودى وام باسل وام يوسف ورانيا وام ابيها ومسلمة ياصلاة النبى يعنى كلكم عندكم الفراخ الحمراء والبيضا وانا الفراخ حالفة ما اشوفها :30:

    الف الف سلامة لياسمين :26:

    كنت حنسى صحيح يا منى الف الف سلامة من الحرارة يا منمن :hahaha:

تابعي تجارب أخرى من هذا القسم.