شاركي في النقاش

سجلي الدخول لإضافة تعليق.

التعليقات

2,007
  1. يا جماعة الخير عندي سوال هو بدري عليه بس محيرني ،، لما يرجعون الأجنة ويقولون ارتاحي تماماً طيب ما يصير يخلونا نائمين بالمستشفى لانه احاتي عقب الترجيع لين البس وامشي وأرد البيت مع شوارعنا المسكرة أخاف الأجنة يطيحون ،،،،، لا تضحكون علي بس جد وايد احاتي ،، أنا احمل طبيعي بس الحمل ما يتم ،، ادعو لي الله يسر لكم ولي الحمل السليم والذرية الصالحة
  2. @moz66

    مساء الخيرات بنات

    كود

    greengrass80
    الله يكتب لكم الخير وييسر اموركن :)


    بكرة موعدي في عيادة المراة السليمة :eek:

    دعواتكن حبيباتي :26:
  3. صاحبة الموضوع
    :04::04:


    حبيبة قلبي .. الاجنة في قرار مكين .. ما تطيح وتتحرك بالسهولة .. انا خلال الاسبوعين ارتاح اول يومين راحة معتدلة اتحرك.. اصلي و انا واقفة و احيانا اروح المطبخ اكل .. اواحوس صوب الثلاجة من الملل ..بعدها ابدأ اطلع عادي و اروح مطاعم في كل المحاولات حتى المحاولة اللي حملت فيها الحمد لله و جبت ولدي طلعت و رحت مجمعات بس حركة معتدلة و اخر مرة بعد اسبوع داومت علشان بس اريح بالي من التفكير ..اصلا قلة الحركة بتسوي اثر عكسي لان بتقل سيولة الدم و الرحم افضل يكون فيه سيولة .. فانتي معليج من الكلام اصلا اعتبري نفسج وحدة حامل و ما تدري ..
    و انا اختي كانت تحمل طبيعي و ٧مرات اجهضت اومات في بطنها عقب سوت انابيب و الحمد لله ولدها عمرة فوق ال١٥ سنة اللحين ..لان الدكتور قالها في الانابيب يختارون نطف اقوى فإذن الله الفرصة تكون افضل..
    حتى صديقتي سوتها في الاردن و ارجعت بعد اسبوع بالطيارة و الحمد لله حملت .. حتى الدكتور قالها اطلعي من المستشفى بعد الارجاع على الطيارة عادي ..
    اذكر ايام المحاولات الاولى كانوا بعد الارجاع يجيبون لنا الادوية و نطلع من العمليات على السيارة بس في السنوات الاخيرة بعد الارجاع يعطونج الورقة و يقولج روحي الصيدلية اصرفي ادويتج ..

    و بس هذرت وايد بس لانج عليمية خخخخ و انا الخبرة طافحة عندي ..:35:



    الله يسير لج امرج يارب .. و يعوض تعبج خير ان شاء الله .
  4. موزة 66 شكرًا وان شا الله تطلع نتايجك سليمة
    حبيبتي كود مشكورة وايد ما قصرتي ،،، كفيتي ووفيتي
    صج كود ايش سويتي بموعدك ! أنا امس خذت الإبرة التحضرية امس ولحد الان الامور طبيعية
  5. صاحبة الموضوع
    هلا جراس :)
    انا كتبت رد الظهر بس المنتدى خرف و ما ضاف المشاركة
    على العموم رحت و الزحمة غير طبيعية .. فززززززززييييييعععععه
    ازحم موعد في حياتي في قسم الانابيب .. المهم ابرتي الخميس ان شاء الله وقلتلها تعطيني حبوب تنزل الدورة فكتبتلي دفستون اخذه لمدة ٧ ايام مع الابرة المفروض لو ماجات الدورة بعد الابرة التحضيرية باسبوعين تروحين لهم لان في احتمال حمل انا مرة حملت عليها بس كان خارج الرحم .. بس انا دايما اعدي الاسبوعين و اروح لهم و احلل حمل ومافي حمل و بعدها تنزل مع اني اخذ حبوب تنزيل الدورة بس تعاندني :)
    عطتني فولك اسيد قلتلها اني اخذ حبة فيتامينات فسألتني فيها فيتامين A قلت اي قالت وقفيها انا اعرف ان فيتامين a مضر للحامل بس انا قلت للحين مافي شي .. فبأمر الصيدلية اشوف حبة فيتامينات للحوامل لاني احس اني لما اقطع الفيتامينات اتعب و كل شي يتعب فيني شعري و بشرتي و طاقتي .. و بس قالت الاسبرين اخذيه قبل الارجاع بكم يوم ..
    الله يسير امونا يارب كنت بالغي المجمد و اسوي فرش بس بعدها غيرت راي و قلت اخلص اخر مجموعة مجمد عندي و بعدها الله يسير اذا ربي ما كتب لي الحمل بشوف شلون ..يمكن اعيدها بره ..

تابعي تجارب أخرى من هذا القسم.