طبيب نفسي
السلام عليكم
بنات أنا متزوجة من سنتين ولي سنة طالبة الطلاق من زوجي لأنو مدمن بس المشكلة أحس اني مرضت نفسياّ بعده وصرت انطوائية وأحب أنام كثير هروب من الواقع والمشكلة الكبرى اني صرت جداّ حساسة وأخاف من التجمعات واتهرب من البنات في الكلية ماعاد احب اجلس معهم ماادري ليش صار يجيني خوف ورغبة في البكي اذا جلست معهم لدرجة اني صرت اخاف اتعرف على وحدة او اسولف معها عشان ماتصير صديقتيي صرت انبسط اذا رحت الكلية ورجعت بدون ماأحتك في أحد أحس اني انكسرت بعد زواجي واهتزت ثقتي بنفسي أقسم بالله اني اكره كلمة (زوج) من اللي شفته وذقته عشان كذا ماعاد احب اجلس مع صديقاتي عشان مااقارن بين حياتي وحياتهم تتعب نفسيتي زيادة لأني والحمدلله كنت احسن منهم في كل شي والحين احس بالانكسار قدامهم وكلهم عارفين قصتي وظروفي وصاروا يستهينون فيني غير التطنيش يعني الوحدة ماتعرفني الا وقت الحاجة اذا صاروا صديقاتها غايبين جت اتدردش معي تتسلى بأسراري وبكرة تسحب علي ولا كأنها تعرفني غير الدق بالحكي واللي تقول عجزتي يافلانة واللي تقول لمين تتجملين ياحسرة واللي تقول انتي خلاص صرتي منتي بنت ومفكرة تتزوجين مرة ثانية قسماّ بالله ان نفسيتي مرة زززفت ومفكرة أعتذر هالترم كرهت الكلية منهم كل يوم أرجع وأقعد أبكي ومحطمة تعرفون يعني أيش محطمة يعني مستوية عندي الحياة والموت ورب الكعبة اكره حياتي غير اللي عندي في البيت مايقصرون من بعد ماغيرهم علي زوجي حسبي الله عليه ماعاد يشوفوني شي ويعيروني بكلامه علي اليوم أمشي بالكلية وأقول خلاص أنا لازم أعرض نفسي على طبيب نفسي قبل ماافقد عقلي ماعاد أدري الغلط فيني ولا فيهم وش رايكم أروح لطبيب واللي توافقني الراي ياليت تدلني على احسن عيادة والله لايوريكم اللي شفته لاتنسوني من دعواتكم