السلام عليكم ورحمة الله وبركاتة
بنات انا وحدة ماعندي عقدة نفسية من كلمة مطلقة
ومانيب زي بعض المتزوجات او البنات. اذا شافت وحدة مطلقة تهج عنها
ماتبي تصادقها خايفة على رجلها او لغيرة من الاسباب
بالعكس كل وحدة منا معرضة لانها تكون بيوم من الايام مطلقة
والمطلقة اشجع من مليون وحدة رضت تعيش مع زوج خاين او يذلها اوغيره
وهي اللي فعلا عايشة طلاق عاطفي وحقيقي وان كان مب مكتوب ع الورق
المهم مب هذا موضوعي
موضوعي هو تغير وضع المطلقات بمجتمعنا
يعني يابنات منول قبل اربعين اوثلاثين وخمسين سنة
كانوا الحريم ياخذون رجل واثنين وثلاث وخمس تصدقون ؟
ويجيبون من هذا ويجيبون من هذا عيال
وبالعكس الرجال يرغبونهم ويفضلون المطلقات على البنات
مع ان منول البنات عادي ياخذون مطلق ومعدد حتى لو انهم بنات 18
واللي مو مصدقتني تسال جدتها
ومايحتاج تسالون اكيد فيه من جداتكم اللي قد اخذت رجال واجد
بس الحين تغير الوضع. صار الكل يبي بنت بكر
الشايب والولد والمعدد والمطلق
والبنات الحين اذا تطلقت بالملكة استصعب زواجها
الحين سؤالي
ماتحسون هالشيء غريب ؟
يعني المفروض العكس هو اللي يصير
منول المجتمع منغلق ومع كذا يفضلون المطلقات
الحين المجتمع تفتح وتطور ومع ذلك النظرة للمطلقة تراجعت
مع انه المفروض العكس تماما
ودي اعرف ليش هالشيء ؟ وبرايكم وش اسبابه !
شاركي في النقاش
سجلي الدخول لإضافة تعليق.
التعليقات
111- فوووووووووووووق
- يعني المطلقة يتاخذ زمانها
وزمان غيرها
جربت حظها
البيوت مليانة بنات
والخيرات أمام الرجال كبيرة
البنات الحين صارن مثل نجمات التلفزيون
ليزر
وشد
واهتمام
والدليل ازدحام عيادات التميل
فما ألوم الرجال إذا عافوا المطلقات
وكله نصيب - مو مسئلة المجتمع يفضل مطلقة أو بكر
والله كلها توفيق من الله ( قل لن يصيبنا إلا ما كتب الله لنا ) ,,, و كله مكتوب في اللوح المحفوظ قبل ما نخلق ...
طبعاً أنا أتكلم مع الناس إلي ثقتهم بالله _ ثقة عمياء _
و كلمة للمطلقات ( لا تدري لعل الله يحدث بعد ذلك أمرا)
الله يوفقنا فيما يحبه و يرضاة - انا مع الاخت أحلام
البنات ماشاء الله كثير - انا اقول لك البنات عندهم لهفه غير عاديه
ودها تخم لها اي واحد بدون تفكير وهذا خلى الرجال يحسون بهذا الشي ويتدلعون فى طلباتهم
مواضيع مشابهة
تابعي تجارب أخرى من هذا القسم.