استشاره .. اطلب الطلاق أو لا ...

تسلمون كل اللي ردوا وياجعل ربي يسعدكم ولا يكدركم شي

بالنسبه للي قالوا لا تعطينه أكثر

هذي مشكلتي انسانه احب اعطي وافرح اللي حولي ولو يقولي كلمه وحده علطول يتغير مودي حتى لو اخفيته يبين

حتى هو نفسه يقول انتي علطول تعصبين وعلطول ترضين

بس تصدفون هالمره غير

هالمره لأني جربت معاه كل شي ولا بان فيه الا بالعكس تمرد صرت احس ببرود مو طبيعي وماني طايقته ومبسوطه انه زعلان كالعاده بعد اي نقاش حتى لو اسخف من السخيف يقلب خلقته علي

الله يهديه لنفسه ولا انا ماعاد ابي منه شي

لأني بإختصار مليت المشاكل اللي بلا حلول تعبت وانا احسني مو أنا ... احسني امثل علشان ارضيه وبالنهايه يقولي انتي تسوين شي تبين مقابل ... ابعرف وشلون مقابل والله لو اني احتري منه ثروه ولا ارتجي منه يكتبلي العمارات اللي له بأسمه

هو ماحيلته الا راتبه وانا ماابي منه الا التقدير والإحترام

واللي فهموا مني اني ابي مدح لا والله مو هذا اللي ابيه يمكن انا ماعرفت اوصل مشكلتي

انا مشكلتي معاه عدم الأمان احسني مو ماليه عينه او بالاحرى هو محسسني بكذا
يحاول يحطمني بكل شي ويتقنص اي عيب ويكبره ويتفلسف فيه

انا ماابي مدح لأني ما ابيه يجاملني...لكن معقوله مافيه مشاعر يكنها لي؟؟؟ ... كل اللي اسويه له ما يعني له شي

انا ابي احس اني كزوجه اشوف بزوجي صورتي الحلوه لأني مرايته مو بصوره ابشع ماتكون وكنه يبي يفقدني ثقتي بنفسي ويبي يقنعني ان كلام الناس لي مو صحيح وانه الكامل اللي مايغلط !!!

هذا كله كوم وانه مايعيني على نفسي على الخير كوم ثاني

لأني تزوجت لسببين ... ان زوجي يعفني عاطفيا ونفسيا وجسديا ويقويني دينيا....وانه يشعر فيني ويحس برغباتي ويسعدني باللي يقدر عليه ومايضره ....