هنا وبكل فخرر قصر الملكة..الزوجة الأولى ... مع مرتبة الشرررررف...

صباح الخير
لجميع الاخوات
اخواتي عندي استفسار ابكتبه وارجع لردودكم فيما بعد
الحين زوجي قاسم الايام يومين يومين
لاكن هل من الطبيعي انه يوم يكون هناك ابدا الله يهديه مايرفع السماعة يسأل عن عياله ويدور وراهم ويحسسهم ان غيابه غير كامل وانه موجود ويسأل عنهم...ما ابيه يكلمني شكرا بس يسأل ورى عياله
لانه وهو عندي بصراحه مايرد على مكالماتها يادوب رسائلها اذا مهمه
وانا اللي وضعت هالقانون
بس الاولاد غير..
كمان هل من الطبيعي اذا احتاج شيء من البيت يدخل ويخرج بسرعة ولايطالع فيك ومحرم الكلام الحلو او حتى البوسه
هو يطبق هالشيء في البيتين...وانا مرتاحه بس حبيت استفسر عن الطبيعي وعن الحكم
مع انه يحز في نفسي زوجي اللي ماكان يفصلني عنه شيء اذا اشتهيته او تشوقت له اجد ان عليه قوانين صارمه وحاجز بيني وبينه...يلاه ماعلينا...دام انه هو من فاه نفخ ويداه اوكتا
وكمان اذا يومينها مايجوز يطلع يودي واحد من العيال لعيادة الاسنان مثلا؟؟
يعني لازم ينتظر يومي..بس الاولاد وش دخلهم
يعني يوميني لسبعة افراد
ويومينها لفرد واحد؟؟!!
هل من الطبيعي فعله
هو متخوف من عدم العدل والله يعينه على العدل ويبعده عن الظلم
كمان بسأل عن كل ماصرفه عليها اول زواجه هل يحق اني اطالبه به
لانه ابدا ماحسسها بالمصروف المحدد لانه عريس وتركها تمشي بالبركة
وانا وعيالي اعطاني مصروف وخلص علينا
وماخصص وقال هذا لك مثل ما اعطيتها...لأ اعطاني كذا ومشى
انا في نفسي مو مسامحته على كل ريال صرفه عليها ولا اعطاني قدره
تزوج وتركني خلاص يتحمل تبعاته..
يقول يبي يعدل بالمصروف مع الراتب يعطي كل واحده مبلغ من المال
والله يعين

نورهان يومين يومين موبصالحك ..
هذا رآي الشخصي ..انتي عندك أولادك لايتعود يرمي حملهم عليك
معليش تعب ولايمديه يلحق شيء بسلامته مااحد اجبره يسوي بنفسه كذا
هي بالنسبة لها يومين مناسب جدآ متفرغه له ماعندها مسؤليات
أنتي ورآك اطفال حرآم تظلميهم بالقسمة هذي ..هم يحتاجون أبوهم كل يوووم !

بعدين زوجك مررره مشدد على نفسه من حكاية الظلم
ترى البوسة ماتدخل بالعدل :42:
نوورية ياقلبي شوي وخففي من ضغطه على نفسه

حره انا تعبت من يومين يومين
يعني مايمديه يدخل إلا خرج
الساعات تمشي من غير بركة
تصدقين احيانا بنتي اللي في الجامعه ماتلحق تشوف ابوها
مدري بس اتوقع كذا احسن
ممكن اذا في المستقبل اكتشفت انه مو مناسب ممكن افاتحه بالموضوع
يومين اشوى شوي يبات وكمان اليوم الثاني يبات حيا الله يقضي شيء من شيء
والاخت موظفة واكيد وراها شغل من تحضير وتصحيح ومدري ايش

انا ماايدك عاللي بتقوليه عالاقل في البداية
صدمه للاولاد يغيب يومين خليه يوم ويوم بس خليه يبدا من الصباح تلحقي منه كثيييير
بعيدن ايش فيها لو جاء في يومها او راح لها في يومكم ساعه وحده يشوف احوالكم ونواقصكم يطل على اولاده
وساعه من يومك لها ماتضرك لانك مابتكوني مقابلته اربع وعشرين ساعه
ماانصحك تعوديه على هذا الشيء بكرة يرفضه وانتي حره ياقلبي
عالاقل جربي 6 شهور وبعدها غيري