هنا وبكل فخرر قصر الملكة..الزوجة الأولى ... مع مرتبة الشرررررف...

السلام عليكم .. انا جديدة وحبيت تفيدوني وتخففوا عني .. انا زوجة اولى زوجي تزوج علي من تقريبا شهر وسافر اسبوعين ورجع ، عرفت بزواجة صدفة بعد ما سافر ، المهم من تزوج ما بات عندنا يمر خمس دقايق يسلم على الاولاد ويقضي اغراضنا ويمشي ، قلت له ليش ما تقسم ليلة وليلة مرة قال عندي اشغال اخلصها بعدين اقسم ومرة قال كل هالسنين معاك ما عرفتيني ،، نفستي جدا تعبانة ، مجافيني ولا اخذ بخاطري ولا رضوة او كلمة زينة ، تعباانة جدا لا نوم ولا اكل ،، ساعدوني تكفون وش اسوي

ام العيال
تعامل زوجك معاك بعد زواجه تحكمه علاقتك فيه قبل الزوآج
كيف كنتوا ؟ متفاهمين ؟ مختلفين ؟ أسباب زواجه ؟ كيف تعاملك معاه ؟
كيف مستوى الإحترام مابينكم ,ليش انتي ماتخذتي ردة فعل من اول ماعرفتي بزوآجة ؟شو أقصى شيء سويتيه ؟
هو شو كان ردت فعله ؟ كيف واجهتيه ؟ وعلى أيش أتفقتوا ؟
ماطالبتيه بالعدل ؟ مادخلتي أحد بينكم من اهلك , اخوك أو ابوك يكلمه ؟بينكم تواصل بالرسائل والمكالمات والا مقطوع ؟؟
سطرين يالغلا عن حياتكم ماتكفي أحد يعطي حل ..
ممكن نقول لك أصبري وربك يعدل الحال ..
ممكن نقول لك كلمية بشوية جدية وحزم ..
ممكن نقول دخلي أحد من طرفك يكلمه إن هذا حرآم وماهو من العدل وانتي مومسامحته بهالشيء ..
انتي اعرف بزوجك منا شو الأسلوب المناسب معاه ..

هلا اختي ،، ما كان بيننا مشاكل لكن هو من زمان يبي يتزوج مرات كثير يخطب وما تمشي اموره ، وحدة من المرات هربت وتركت له العيال فاتوقع لذلك اخفى عني هالمرة ،، علاقتنا الصراحة قبل الزواج جااافة لان اخر سنتين جبت طفلين فوق بعض وانشغلت كثيير لكن قايمة فيه اكله ولبسة كل شي بوقته لاجل اعوض النقص من نواحي ثانية ،، اللي اعرف انه يحبني ويقدرني بس ليه هالجفا ، تزوج هذا شرع الله بس لازم يعدل مو عارفة وش براسه هل ناوي يتركني للعيال وبس او ناوي يقسم بعد ما يمل ،، طبعا كلمته بالعدل وان هذا ما يرضي الله ، طنشني ومشى ، ردة فعلي لما عرفت اتصلت ما رد وارسلت له هذا جزاتي تعاملني كذا يعني رسالة تأنيب ، ما عندي اهل اروح لهم جلست في بيتي ودموعي تصب وعلى سجادتي فيه بينا اتصالات ورسايل كلها عن وش تبون وش ناقصكم ولما افتح سالفة عرسه يسكرها ويطنشني ، وش تنصحيني بصراحة قلبي مليان عليه وسالفة اتودد واتزين له صعبة علي خصوصا انه ما خذ بخاطري ونسى العشرة وكونه بيخليني للعيال هذي اهانة لي خصوصا اني صغيرة مب كبيرة في الثلاثينات
شيروا علي جعلكم في الجنة