ياربي كل الناس عينهم على شغالتي

السلام عليكم
بنات انا تعبت من الناس واحرجهم
انا عندي شغاله انا الوحيده في الحاره عندها شغاله والكل يبيها تشتغل عنده
البارح دقت على جارتي جلست تسولف وقالت شغالتك جات قات ايوه قالت ابيها تساعدني والله البيت مكركب وبنتي صغيره مو مخليتني اسوي شي قلت لها ابشري اليوم صحيت قلت الشغاله هذي اختي وابيك تساعدينها وقفت الشغل عندي وراحت قلت لها بعدين كملي
جاء زوجي يقول خلته تبي الشغاله تساعده انا طار عقلي:06: قلت كلن يبي الشغاله عسى هي مو بشر ماتتعب
والله مدري وش اسوي من احرجات الناس والله شكلي مقدمه عشان تشتغل عندهم وكل وحده راتب زوجها ارفع من راتب زوجي انا اول ماجت الشغاله رفعت كل شي حاد اسكين وغيره مابقيت الا سكين صغير يادوب يقطع الطماطم عشان لو طعنت فيه مايموت:hahaha:
وخايفه تجيب ساطور من عندهم :35:والله مدري وش اسوي انا ابي شغالتي على يدي بس ومنحرجه في نفس الوقت لا تقولون قولي لهم لا صعبه انحرج كل وحده لها جميل عندي وماقدر اقول لها لا وش الحل ؟
كذا الشغاله راح تحقد علي وراح تاخذ طبع انا ماابيه
انا حتى في بيتي اساعدها لان بيتي كبير ومابيها كل الشغل عليها والله مدري وش اسوي

14 تعليق 3,107 مشاهدة

شاركي في النقاش

سجلي الدخول لإضافة تعليق.

التعليقات

14
  1. مالك تقولين لهم ان الشغالة ترفض تروح بيت ثاني
    وقالت اذا روحتن لبيت ثاني ابرجع ماراح اجلس عندك
  2. @khlod_64

    سبيها قولي ل ما راحت عند احد تجي تقول تعبت وابي اسافر
    فيعذوروك
    انا عندي شغالتين والحمدالله كل وحدة احسن من الثانية
    عشان احتاجهم في شغلي
    بس لو تجي امي الله يحفظها ما اعطيها ولا وحدة
    لان بس تطلع الشغالة من البيت تخررررررررررررب
    ثلاث اشياء ما ينعارن الرجال ومفتاح البيت والشغالة

    وعلى قولة المثل انفع صاحبك بشي ما يضرك
    والله يوفقك معاها
  3. @almokrh

    عشان ماتتضايق الشغالة اجريها باليوميه او بالساعة ب20 ريال بالساعة مثلا و100 ريال باليومي
    واهم شي شغالتك هي اللي بتنفعك
  4. @tolyb_17

    قولي لهم انها ماتبي تطلع من البيت وانتي علميها قبل قولي اي احد برا يقول تعالي عندي قولي له لا

تابعي تجارب أخرى من هذا القسم.