السلام عليكم ورحمة الله وبركاته
اولا المشكله اللي بتكلم عنها لصديقة عمري
هي عمرها الان فوق الثلاثين
تعيش في ضغوط ومشاكل مو طبيعيه من ناحية والدها يعني عيشتها بالبيت جدا صعبه الله يفرج عليها وعلى اهلها
وفوق المشاكل والضغط النفسي لا خرجات ولا مادة ولا اي شي
هي وخواتها كبروا وماتزوجوا
بس الحين تقدم لها رجال وهي ناوية توافق عليه عشان تطلع من بيت اهلها اللي يجيب الهم وودها بعيال والله تحزن
بس انا جالسه احاول فيها انها ترفض لان بصراحه انا اشوف انه مايناسبها ابد مابيها تظلم نفسها والله مقهورة عليها
انا رح اذكر لكم ميزة هالشخص وعيوبه
فيه ميزة وحدة وهي انه غني جدا جدا وقال لاهلها لها اللي تبغيه يعني بيوافق على اي شرط تشرطه
بس عيوبه
انه كبير عليها كثير هو فوق الثمانين بيتزوج يقول لان زوجته خلاص كبرت وصارت تعبانه
بس هو لسى فيه حيل
وعندة عياله كبار وكلهم متزوجين
ابيكم تقولون ارائكم او تجارب ناس تعرفونهم صار لهم نفس الشي يمكن تسمع منكم
وتتراجع عن قرارها
وابي منكم بعد تدعون لها هي واهلها الله يفرج عليهم ويستر عليهم ويرزقهم من فضله
شاركي في النقاش
سجلي الدخول لإضافة تعليق.
التعليقات
11- فوق الثمانين كبير مره بس خليها تستخير الله يرزقها ويفرج همومها
- لا ياإختي إنصحيها حراااام تدفن نفسها و شبابها مع هالرجال عمره ثمانين وش بقى !!! و بتخلص من مشاكل أهلها بتدخل بمشاكل أكبر زوجته و عياله و مراح يخلونها بحالها ليش مو مجبوره بس علشان وضعها مو مرتاحه عند أهلها ترمي نفسها هالرميه ليش ؟؟؟ تصبر و إن شاء الله بيجيها إللي أحسن منه و الصبر مفتاح الفرج
- الله يعينهم ويرزقهم من واسع فضله يارب
بالنسبه للرجال تستخير والله يكتب لها الخير - خليها تستخير
- مشكورين وجزاكم الله خير
بانتظار البقيه لاني ان شاء الله بخليها تقرى الردود
يمكن تغير رايها
مواضيع مشابهة
تابعي تجارب أخرى من هذا القسم.