أخصائية نفسية في مركز ذوي احتباجات خاصــة,,أي استفسار أنا حاضرة/ قديم

السلام عليكم
اسال الله ان يجعل ماتقدمينه في موازين حسناتك
وان يجزيك الخير عنا وعن اولادنا الخير كوله
عزيزتي
ابني فيصل عمره سنتين و3 شهور الان
يوم كان عمره من سنه الى سنه ونص
لاحظناه مايتجاوب ابداااا ابدااا
مندمج مع طيور الجنه وكراميش
ولا يستجيب ادا ناديناه ابدا
وبعد كدا قطعت عنه كراميش وطيور الجنه
ووديته المستشفى وشرحت حالته للدكتور
قالي شيلي عنه التلفزيون واتكلمي معاه وخلي ابوه يطلعه مشاويره ويندمج مع الاطفال
وراح اعطيك موعد بعد 6 شهور خلال ها6 شهور قولي عن التطورات
شلت القنوات عنه وبدات اتكلم والعب معاه وووووو الخ ..
ولاكن تحسن بسيط لايدكر
لاحظت عليه التطنيش يرفرف بيده كنه بيطير يمشي ع اطراف اصابيع رجليه اغلب الوقت
يلعب لوحده مايشارك اخته
يرص كل شي قدامه ملابس احديه جوالات ريموتات مكعبات يفكها ويركبها اقلام كل شي
يعشق الموسيقى والاعلانات يفك كل اللي بيده ويروح يجري علشان يتفرج
قبل 3 شهور لاحظناه يبكي بهستريا ويضحك بهستريا
سواء كان صاحي او نايم
ووديته للشيخ وقرى عليه قال انو عنده توحد بسيط ان شالله وراح يتشافى بادن الله بالرقيه
الحمدلله اترك البكاء والضحك من يوم وديناه
باقي الرفرفه بيديه
وتنطيش العالم الخارجي يعني مثلا اهلي اهل زوجي ينادونه يبغون يصافحونه ابدا مايعطيهم وجهه
احنا بالبيت صار يلعب مع اخته بس مو ع طول وصار ينتبه لنا ادا ناديناه يمكن 50 بالميه
صار يتشبت في ابوه ادا خرج
يتشبت فيني ادا كونت لابسه عبايه اول ابدا نروح ولا نجي مايهمه
مشكلته الان الرفرفه ومشكلته النطق يقول كلمات مو معبره ابدا
ولا ينطق بابا وماما
مستمرين ع الرقيه والحمدلله
الموعد للدكتوره لسى اخر هالشهر
ياليت تفيدني ايش عليه اسويه
وهل في حميه تساعده ع التركيز لانه يحب السرحان ويناظر فوق بس مو ع طول

اسفه طولت عليك

اخواتي برجع ارد عليكم بس استوقفتني مشكله اختكم ,,
اختي الغاليه
استغرب صراحه موقف الدكتور وتشخيصه ,,!!

انا ماابغى احبطك ولا اضايقك بس لازم نكون واقعين ونتعامل مع الامر الواقع وهو ماكتبه الله لنا,,

اختي ابنك لديه اكثر من سمه من سمات التوحد
وهو ليس بدرجه بسيطه لانه لديه اكثر من سمه ,,
الرفرفه باليدين,اللعب لوحده,,الجمود العاطفي تجاهك وتجاه والده,,البكاء والضحك بدون سببب ,,
كل هذا من اهم اعراض التوحد

انصحك بالتالي,,
اولا تذهبي الى اخصائي تخاطب لعلاج مشكله النطق
ثانيا عمل اختبارات نفسيه دقيقه في مركز خاص وبعدها وضعه في مركز خاص ليحصل على التدريبات الللازمه مثل//تنميه المهارات اللغويه وتنميه المهارات البصريه والعقليه

وانحك باستغلال هذه الفتره وهو صغير السن لانه يستجيب بشكل اكبر ,,

بالنسبه للحميه

اكثري له من الجوز والاسماك لانها فيها زيوت اوميغا 3 وهي مفيده جدااا
لانها تساعد الدوره الدمويه في ضخ الاوكسجين الى منطقه الرأس بالاضافه انه يحسن من وظائف الاغشية المحيطه بالخلابا المخية,,

ابتعدي تماما عن الوجبات السريعه لطفلك لانها تعمل عمل عكسي وتقلل من ضخ الاوكسيجن الى الدماغ
وخاصه انه طفلك في سن صغير

اشغلي وقته باللعب المفيد الي يناسب سنه واحبذ العاب الذكاء الخاصه بهالعمر
ويكون فيها الوان واشكال كثيره

في طريقه عتعديل سلوكيات لاطفال التوحد نقوم بتطبيقها في المركز وهي طريقه لوفاس
وهي انك كل مايعمل عمل كويس تكافئيه بكلمه حلوه او احتضان او لعبه او حلاوه
وبنفس الوقت اذا غلط تعاقبيه عقاب بسيط مثل تبعديه عن شي يحبه وهو التعزيز السلبي

وطبعا هالشي راح يساهم في تعديل السلوكيات بشكل كبير


هذا الي قدرت افيدك فيه يااختي اذا في ششي ثاني قولي

الصراحه خوفتيني
اهو تحسن بكثير بكثير عن الاول
يحب الاكل يحب الفواكه والخضروات ادا كان عطشان يشيل قارورة المويه ويحاول يشرب يمسك كرتون العصير بنفسه ماشالله ويشربه بدون مساعده ادا حطيت وجبة الغدا وتاخرت ما قعدت اهو يقعد ويمد ايده وياكل
يعني فرق فرق هالشهرين عن اول
بس باقي التطنيش للعالم الخارجي
يحب يحضني ويحضن ابوه
ادا كان مشتاق للعب يمسك ايدينا ويحطها ع بطنه علشان ندغدغه ادا اخته اخدت لعبته او خربت عليها يشد شعرها
ادا جاء ابوه من العمل يروح يجري ويرفع يده علشان يشيله ابوه

بس زي ماقلت لك الرفرفه ومايتعامل مع العالم الخارجي ابدا والنطق

رجعت لك ثاني 

في اختبارات الذكاء هل يشترط يكون الطفل يتكلم؟؟

وهل تنصحيني اعمل لبنتي اختبار ذكاء حاليا؟؟اتصلت علي مركز خاص ذكرو ان الاختبار جلسة وحدة مع الاخصائية النفسية بقيمة ٢٥٠ريال

حبيبتي ياليت تردي علي وتعلميني ايش اسوي والله يجعله بميزان حسناتك