هنا وبكل فخرر قصر الملكة..الزوجة الأولى ... مع مرتبة الشرررررف...

شيفيد يالغلا أووكي أمك ملكة بس مايعني أنو غيرها جواري !
وانا ملكة بس مايعني أنو غيري جواري , نورهان ملكة بس مايعني انو غيرها جواري !وانتي بعد ملكة !
كل إنسانه تشوف نفسها بالمكانة اللي تليق فيها بس مايعني انو غيري أسوأ مني أو أدنى !
الله عزوجل يقول ياأيها اللذين آمنوا لايسخر قوم من قوم عسى أن يكونوا خيرآ منهم ولانسآء من نسآء عسى أن يكن خيرآ منهن ..)
انا ماانزل نفسي لمقارنات مع غيري يكفي أنو انا أشوف نفسي اووكي وبطلة وخلاص
لاتسمحي للعاطفه ياقلبو تغلب عليك , الله عزوجل يقول (يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُم بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَن سَبِيلِ اللَّهِ ...)
لاتسلمي لشعورك وعاطفتك تقودك لكتابة شيء يغضب وجه الله عزوجل عليك
احيانآ نقرأ كتابات والله مزعجة وماترضي وجه الله لكن الله كفيل بهم ..لو بنحمل نفسنا نرد على كل مغالطة بنتعب ياغلاتي ولو بننتصر لأنفسنا بكل رد بعد هالشيء صعب !
بنجلس نحاسب كل وحده على تعديها وإفترآئها ؟؟! ونقول شووفي تناقضاتك وأفكارك المتضاربه ؟؟ مستحيل
أنا متأكده انو ردك بكلمة جواري كان تعليق عاللي قالت لنورهان مو لهدرجة زواج الرجل ليس إبتلاء ..واتت بما لم يأتي به أحد قبلها ؟!

مانعالج الخطأ بخطأ يالغلا وتاكدي انو الافكار المتشدده والمغلوطة واللي مالها أساس من الصحة واللي تكتب للتحيز الشخصي بيجي يوم ويتخلى عنها أصحابها ويناقضونها لاشعوريآ قبل أيام كنت اقرأ موضوع بالقسم والله قرأت مشاركات لزوجات معددين قلت سبحان الله أنطق الله الحق على أفواههم وهم لايشعرون ! لست ممن يصطادون بالمآء العكر والا كنت أقتبست الأفكار السابقه والحديثه ووضعتها للمقارنة وتوضيح التناقض..لو أنا كتبت هالأفكار كانوا قالوا كذب وإفترآء وماهو صحيح وهذا تحيييز منك ياحره لكن الله يريد للحق أن يظهر غصب طيب بيظهر على لساني أو على السنتهم ..

واحده فقط من القناعات اللي أنا أحملها أنو الرجل بيتأثر كثير بأولاده من زوجته الأولى
بحكم كبر سنهم وحاجته لهم , ويقدرون يغيرون قناعاته وأفكاره تجاه بعض القرارات بحياته, وكنت المس غضب من بعض البنات ويعتبرون هذا ظلم وكذب وإفترآء وإن أبنآء الرجل كلهم سوآء الأولى زي الثانية زي الثالثه زي الرآبعه بس أنا قناعتي غير ..( من مشاهدات أنا وقفت عليها وهذا رأيي الشخصي ماللزم أحد فيه )
ولما إنفتح موضوع لزوجة ثانية وانو زوجها رجع ضرتها الأغلب أصر إنه لأجل الأولاد ..! طيب مو انا اقول من الاول اولاد الزوجة الاولى غييير الرجل مستعد يغير قرارات كثيرة بحياته لأجلهم ويحطهم قبل سعادته ويقدمهم على رغباته ومستعد يتحمل عيوب أمهم وزعلها ونكدها ودلعها لأجلهم هم جزء من روحها وفكرها وملامحها ومكانتهم من مكانة امهم بس سبحان الله هالمرة صار اعتراف جماعي وإصرار على هذي الفكرة ..:) والله أعجبني الموضوع وسعدت جدآ بقرآءة المشاركات ولمست فيها الحق والصدق اللي كنت أبحث عن أحد يأيدني عليه ..
لو حملت على نفسي فكرة إقناع المجتمع بأفكاري كان تعبت , لأن المجتمع أحيانآ كثيرة ي كابر عن الحق ويصم آذىنه عنه بس لما جآء الجد نطقوا بالحق ..أنطقهم الله عزوجل به رغمآ عنهم !وشهدوا على انفسهم وهم لايشعرون :)

ثاني شيء أيووه صح أنتي ماقلتي أنا مع أخوي بزواجه ولاقلتي أنا مأيدته
بس أسلوبك في نقل الكلام عن زوجته يعكس لنا هالشيء وأي وحده تقرأه يتفهم نفس اللي أنا فهمته وكأنك مقتنعة !أي أوكي أنتي مقتنعه بأسبابه وزوآجه أيش القيمة اللي بتضيفها للملف بهذا النقل ؟؟ ننصحها مثلآ ؟ والا يعني ترى أخوي بيتزوج من نقص ؟؟ طيب اووكي زوجة اخوك مقصره وغلط تصرفها بس هذا إختياركم أنتوا ظلمتوه وظلمتوها معاه ليش تزوجوه وحده حياوية بهالشكل وبعدين أسمحي لي تلبس طرحة حتى عند الحريم خلاص إنقرضوا هذول الزوجات !! كان اخترتوا له وحده شوى متفتحه حرآم الرجال يبغى يعيش !
ياعزيزتي أنا ماظلمتك ولابأظلمك إن شاء الله بس حديثك عن زوجة أخوك مشين جدآ وماله مجال بالملف ولافائدة تذكر واللي بتقرأه بتفهم إنه محاولة للغمز واللمز المبطن لو قلتي انصحوها بتدخل تقرأ نقول ممكن نيتها طيبة ! لكن تطرحي المشاركة هيك من الباب للطاقه مااحد بيفهم الا مثل مافهمت أنا

ولاتاخذي على خاطرك يالغلا هي مجرد نقاشات وسوء فهم
يمكن انا فهمتك خطأ يمكن انتي فهمتيني خطأ بس الأكيد انو قلوبنا نظيفة ولانشيل على بعض ..

الله يسعدك يا عطيت والله انك فتحتي عيني على شي ما كنت منتبهه له جزاك الله خير / نسيت اقول نقطة ماذكرتها لأختي حره ان بالرغم من العيوب اللي طلعها على زوجته بللرغم من ذلك قلت لأختي قولي له حتى لو المفروض يصبر عليها ولا يجرحها قالت قلت له وعصب علي وقال شوفي انا تزوجت عليها بعد مااستنفدت كل المحاولات معاها انها تتعدل بس بدون فايدة بس والله حتى لو ما فيها اي عيب وحبيت اتزوج عادي حلالي الشرع محلل لي والله تقول هذا كلامه وربي انه مو كلامي اني نقلته من اختي لما قال لها

اختي حرة اول شي اخوي هذا تزوج وانا واخواتي اطفال زوجته زوجة ابوي ولا اخذ حتى رأي امي بهالزواج وثاني شي من كلامك لمن تقولين هالنوع اللي تلبس الطرحة انقرضوا انك تكذبيني ؟ سبحان الله طيب ليش اكذب مو ملزومة اني اكذب وبعدين للحين كثيرررر. من جماعتنا اللي في الديرة يلبسون طرح حتى قدام الحريم وفيه نقطة حسيتها من كلامك اني لمن اتكلم عن موضوع زوجة اخوي كأني اتكلم عن كل زوجةاولى لا يا قلبي مو كل الزوجات الأولات زي بعض اللي ينطبق على غيرك مو شرط ينطبق عليك انا قلت سالفة زوجة اخوي وربي كنت متضاااااايقة لمن عرفت بزواجه وجيت افضفض لخواتي هنا مااقصدهم هم صفوا النية ياناااااااس سبحان الله لا تكونوا مثل الذين قال الله عنهم ويحسبون كل صيحة عليهم / اما بالنسبة للموضوع اللي تقولي ان عيال الزوجه الاولى عند الاب في المقدمة مو كل الناس مثل بعض احنا ما كنا نسوى شي عند اخواني من ابوي هذي بوجهة نظر ابوي كل الدلال والحب لهم ترى الناس اجناس ومو كلهم واحد / ومن كرهي للزوجات الثانيات قلت عنهم كذا والله مو بيدي كرههم شي غصب عني خلاص زوجة ابوي كرهتنا بكل الزوجات الثانيات وكل الزوجات الثانيات من جماعتنا نفس طقت زوجة ابوي فكيف ما تبيني اكرههم واكره سيرتهم اما انتم الله يزيد المحبة بينكم

ياعزيزتي كل مين عندها أشيآء بحياتها وآلام ماتحبب تتذكرها
إذا هذي الموآضيع تجدد المك وتذكرك فيها أنصحك يالغلا ماتدخليها ,
علشان لاتأثمين نفسك , وتتضايقين وتجددين الألم والماضي ,
خلاص الله أولى بهم , المهم انتي بخير الآن , ومبسووطة والله لايغير عليك , وكلنا الى رحمن رحيم هو ارحم بنا من انفسنا,
غضبك ياعمري عالماضي وحزنك مابيعيد الايام ولايغير شيء من اللي صار
لاياعمري أنا والله ماادخل بالنوايا ولاهو طبعي أنا أقول اللي فهمته منك ..
وعذرآ لو فهمتك غلط بس توقعي أن ااغلب البنات فهموا هالشيء..وفيه محاولات كثيرة لأفساد الملف ودفع عضواته للخطأ والإستفزاز ومشاركات الغمز واللمز كثيرة ومع كل ملف تتجدد المعرفات والمحاولات ومايأسوا الله يهديهم ويصرفهم لما ينفعهم ..
تأكدي حتى لو إحنا تغاضيناعن مشاركتك وقلنا خانها التعبير وماتقصد والتمسنا لك عذر غيرنا مابيغض الطرف ولابيلتمس لك عذر أبدآ وبيعتبره سكوتنا تأييد لك وتطبيل عاللي بتقوليه وبيدخلون في النوايا كسابقتهم علشان كذا مااكتفينا بالتبليغ فقط بل نصحناك ووجهناك للي نشوفه أصلح لك ولنا دنيا وآخره ..

وأرجع أقولك إحنا خوآت هنا ولاببينا شيء ولابخواطرنا شيء على بعض نتناصح لله وفي الله