اللي عندها مرض القلب

اخواتي عندي صديقه مريضة بالقلب من صغرها وسوت عمليتين تغيير صمام
المشكله انها تقدم لها عرسان كثير بس اهلها رافضين خوفا عليها
علما ان الدكتور اكد ان مافيه خطوره على قلبها
واللحين كبرت وصارت في الثلاثين من عمرها وودها تتزوج ويصير عندها عيال
وتقدم لها خاطب متزوج وهي محتاره هل تقبل او لاااا
علما ان ولي امرها حاليا اخوانها اللي كل لاهي مع زوجته وعياله وهي مثل الخادمه لعيالهم اذا اجتمعوا
الزبده
هل فيه مثلها متزوجات وعندهم القلب ومخلفين ولا اثر فيهم ؟
ردكم بيكون يأما مشجع لها عالزواج او العكس

10 تعليق 7,456 مشاهدة

شاركي في النقاش

سجلي الدخول لإضافة تعليق.

التعليقات

10
  1. @akhtkm_almha

    ايه حبيبتي اعرف ثنتين من حولي فيهم قلب.............وكلهم متزوجات وعندهم اطفال ماشاء الله ..ومادريت ان فيهم قلب الا لما وحده منهم قالت ان الدرج يتعبني لان عندي القلب............وماشاء الله كلهم حيويه ونشاط........اذا الخاطب عرف ان عندها القلب وقبل الزواج منها عااااااااااادي خليها تتزوج احسن لها ..... خاصه انها عند اخوانها مو امها وابوها.........ِِ.وبعدين وش خايفه منه من الموت؟؟ قولي لها الكل بيموت مريض القلب والمعافى .الله يوفقها ويسخر لها ويرزقها الذريه الصالحه...........
  2. @alaash_alhady

    أختكم/ المها
    ايه حبيبتي اعرف ثنتين من حولي فيهم قلب.............وكلهم متزوجات وعندهم اطفال ماشاء الله ..ومادريت ان فيهم قلب الا لما وحده منهم قالت ان الدرج يتعبني لان عندي القلب............وماشاء الله كلهم حيويه ونشاط........اذا الخاطب عرف ان عندها ال…
    ايه حبيبيتي خليها تتزوج إن شاء الله مايضرها ، وحده قريبتي عندها القلب ومخلفه اولاد وبنات مشاء الله.
    وخليها تصلي الاستخارة احسن ماخاب من استشار الخالق.
  3. عيوني تري انا عندي صمام ويارب لك الحمد تزوجت وعندي ثلاث عيال ولله الحمد وربي يخليهم لي بس انا اخذ ابره كل شهر اسمها بنسلين هي مضاد حيوي طبعا وعليها لين ربك يفرجها ولو قدر الله مت في ولادتي بعتبر شهيده ياقلبي وربي يكتب لي الشهاده وبعدين وحده صديقتي سوت عمليه وغيرت صمامها ووتزوجت واللحين عندها ولد وبنت مشاء الله وتتابع عند الدكتورخليها تتوكل على ربها ويرزقها بعيال يشيلوها لاكبرت ويونسوها وزوج يستر عليها ومايصيبنا الا ماكتب الله لنا ومااحد عارف يومه ياقلبي وكلنا بنموت وهي بس تحسن الضن بالله وتتوكل وربي يرزقها
  4. صاحبة الموضوع
    اخواتي الله يجزاكم الخير ماقصرتوا
    بس تكفون ادعوا لها ان اخوانها يوافقون لانهم الله يهديهم دايم يردون عنها
    والله يوفقها وكل اخواتنا المسلمات
  5. @kramyl_2

    بالنسبة لي كان عندي مشكله بالشريان التاجي من صغري
    وتعالجت منها الحمدلله
    يوم انخطبت سرت فحصت واكد لي
    ان مافى شي يضر الزواج او الولاده والحمل
    والحمدلله انا بخير وكل شي تمام
    شخصيا اشوفها بعمر ممتاز لا هي كبيره ولا صغيره
    وكنت اتمنى تاخذ عازب عشان تتلافى المشاكل المستقبليه
    بالنسبة لاهلها لازم تكون حازمه معاهم
    لان كلن بيلهى مع عياله بالاخير
    خليها تستخير والله يوفقها

تابعي تجارب أخرى من هذا القسم.