تاثيث غرفه عيالي

السلام عليكم

حبيباتي دخت من كثر التفكير وقلت مالي غيركم ربي لايحرمني منكم

السالفه من اولها عندي غرفه مقاسه4في4

لون الجدار ابيض ناعم

اولادي اربعه:ولد عمره14
بنت15
بنت11
بنت10

وماعندي الاهالغرفه احطهم فيهاكلهم

ابغى ااثثها من جديد والميزانيه بس1500ريال وشوي

*الاسره فكرت اخذ ابو دورين\وش رايكم اخاف يملو منها او يتكركب ترتيبها او ماتكون عمليه

*الدولاب قلت باخذ لكل واحددولاب صغير من درفتين تعليق وتسفيط عشان كل واحديهتم بترتيب دولابه
بس المشكله الغرفه ضيقه\رايكم يهمني

*الارضيه سيراميك ابيض قديم مو حلو قلت بفرشها مشمع ملون حق اطفال عشان اقدر انظفه بسهوله بس اخاف عليهم من البرد والموكيت بيوسخونه وتعفن ريحه الغرفه \وش رايكم

*واخيرا وش تنصحوني افصل او اشتري جاهز اهم شي يكون رخيص وعملي وياليت تدلوني على اماكن رخيصه للجاهز او التفصيل انا من جددددددددددددده

*كمان مراتب للاسره رخيصه فين القاها ومفارش حلوه وعمليه لاني احب اغسلها دايم بالغساله


اسفه ع الاطاله والله يجزاكم كل خير ودي افرح عيالي واريح نفسياتهم بحاجات حلوه

اتمنى تردوا علي بطلع شويات ولي رجعه مع ردودكم

68 تعليق 19,604 مشاهدة

شاركي في النقاش

سجلي الدخول لإضافة تعليق.

التعليقات

67
  1. @hoaaa_nadrh

    اول شي ولدك كبير لاتحطينه مع البنات
    والبنات كبار مواطفال تحطي مشمع اطفال
    حطي مشمع مثل السراميك او موكيت
    ودولاب واحد كبير
    واسره وتسريحه ومكتبه
  2. @loly_aa

    سلام عليكم
    والدك كبير نصيحه لاتحطيه مع البنات سن مرهقه وماتدري وش يشوف مع اصحابه والشيطان شاطر كلامي مو مرتب بس ان شاءالله فهمتي علي البنات الزم لهم حذار زايد
    والدك حطيه لحاله
    والبنات حطي موكيت يعطي الغرفه فخامه وادفالهم يكون مورد والوان فريحيه والغرفه خذيها ابيض ساده فخامه ونعومه
    بس نصيحه الولد لاتحطيه مع خواته الولد كبر وكلكم راعي ومسئوال عن رعيته
    اتمني ماتزعلي مني نصحتك الان اود لك الخير
  3. @om_azozi

    انا اشوف انه ولدك كبير ماشاءالله الله يخليه لك بس دام ماعندك الا هذي الغرفه من رائي ان يكون الولد بسرير لحاله مو دوين والبنت ام ١٥ برضو بسرير لحالها ،، والبنات الصغار ام ١٠ و ١١ يكون سرير دورين عشان يوسع الغرفه شوي وحاولي لاتكثري عفش خذي بس اسره ودولاب التسريحه خليها عباره عن رفين مثلا وفوقة مرايه ناعمه وبسيطة والارضيه انصحك بفانيل خشبي يكون شوية فاتح يوسع الغرفه ابتعدي عن الغوامق حتى بالاثاث عشان لاتضيق المكان
  4. @roz_1409

    غلط غلط غلط تنومين ولدك كبير مع البنات
    نصيحه خلوه في غرفه لحاله او حتى ينام بلمجلس
    بناتك كبار حطيلهم موكيت والاسره والدولاب ابيض
    روحي الصواريخ تلاقي بسعر مناسب يمكن حدود 2500 اقل شي لانها 3 اسره ودولاب
    او دوري مستخدم نظيف
    المفارش برضو بتلاقي بالصواريخ حتى المراتب
    اي سؤال انا حاظره

تابعي تجارب أخرى من هذا القسم.