لمحبات الشرقي::كنافتي بطريقتي الخاصة::خلي الطعم يحكيلك( إبداع القشطة)

السلام عليكم ورحمة الله وبركاتة



وصفة النهاردة لعيون حبيبتي أم صالح لانها طلبتها مني
وطبعا مقدرش استغني عن كل حبايبي ف عالم حواء
لاني بجد حسيت بالصحبة الحلوة معاكن وبتوحشوني قوي لو غبت عنكم شوية
وساعات بحس أني شايفة كل واحدة فيكم ومتخيلة ملامحكن الحلوة وانا برد عليكم
ربي مايحرمني منكن ياأحلي بنات
نيجي لمعشوقة الجماهير الكنافة احلي حلي شرقي
وطريقتي سهلة وبسيطة ومع ذلك اتحدي بيها كل محلات الحلويات (ثقة)
المقادير
نصف كيلو كنافة انا استخدمت الجاهزة اللي ف السوبر ماركت(السنبلة او الكرامة) كلهم حلوين
حوالي نصف كوب سمن انا زودت شوية صغيرة
الحشو
نفس الحشو اللي استخدمته ف البسبوسة
وهي للتذكرة
2 كوب حليب
2 م ك نشا
2 م ك سكر
بيضة
علبة قشطة
الطريقة
نغلي الحليب مع السكر ع النار ثم نخلط البيض والنشا ف شوية حليب بارد
ثم نضيفه للحليب مع التقليب المستمر ثم نضيف القشطة ونقلب ونتركه ع جنب حتي يبرد مع مراعاة تغطية الوجه
بالنايلون عشان مش ينشف الوجه

نيجي للكنافة
نقطعها كويس جدا بإيدك او بمقص المطبخ

ثم نضيف السمن بعد ماقدحتها ع النار

ثم نفرك الكنافة مع السمن كويس جدا حتي يتجانس الخليط

ثم نأخذ نصف الكمية ونفرشها ف الصينية ونضغط عليها بأيدينا جامد عشان مش تفك معاكي
وتصبح كأنها قرص متماسك

ثم نضيف الحشو

وانا الحقيقة وشيت فوق الحشو شوية من الجبنة الموزاريلا

تابعوا معي باقي الموضوع
عشان ف اسرار للكنافة عايزة اعرفهالكوا
ودي طبعا من اسرار جدتي الله يرحمها يعني سر خطير
رجاء عدم الرد حتي اكتمال الموضوع ياحلوات