انا موظفة وجاني حافز !!!

جمانه 20022@gmanh_20022

21 فبراير 2012

الماسة10

الله يسعد كل من رد عليا منجد انا خايفه اخذ الفلوس هذي صح انها من حقي لاكن كانو واضحين بشروطهم معاي بسئل شيخ وربي يكتب اللي فيه الخير بس مافي احد يعرف رقم شيخ يديني الله يسعدكم

يا حبيبتي لا تسألين احد هنا ..انتي شفتي ينفسك كيف يقولون لك خذيها حلال عليك ومن راسها يعني ما يكفيها انها ترضى على نفسها مال حرام لا وجايه تحرضك وتشجعك على انك تاخذيها ولا تنسين كلمة لا تعلمين احد نست ان الله يعلم بكل شيء والله اني شفت اشكال والوان من الناس في المنتدى من زمان كنت اظن ان الناس اللي تاكل مال حرام او تستهين في اخذه من غير فتوى هم ناس قليل لكن اللحين اكتشفت انو في ناس كثير اسهل ما عليها اكل مال حرام بس كانوا ينتظرون فرصه او مدخل يدخلون منه من دون ما احد يلاحظهم ..وبما انك انسانه تخافين الله و تتحرين المال الحلال لازم تعرفين ان الاعانه هذي للعاطلين الباحثين عن عمل فقط وتقدرين تتاكدين من هذا من موقع حافز ومسألة وحده تجيك هذا من حقي ان استحق اكثر ولا هذا من بيت مال المسلمين ومن حقي ولا احنا وش نجي عند اللي يلهفون ملايين من الدوله كل هذا الكلام ما ينفع عند رب العالمين احنا لو بنسلك مسلك الحرام كنا ما انتظرنا حافز فرصه ولو على كلامهم انا متخرجه جامعيه من زمان وحقي اكثر من حافز اجل بشوف لي طريقه اخذ كل راتب كان المفروض ينصرف لي من يوم ما تخرجت من دون ما احد يدري ويالله كل واحد يسوس مثلي تخيلتي الموضوع كان حصل فساد اكثر مما هو حاصل وصار النهب والسلب والغش والتدليس وراح شيء اسمه نظام وقانون طيب احنا مظلومين ولنا حقوق اوكي حقوقنا راح ناخذها بطريقه مشروعه وسليمه وفق النظام مو بطريقة التحايل واذا ما عطوها لنا الدوله وفق النظام والعدل هذا الله حسيبهم راح يحاسبهم على كل شيء انحرمنا منه وهو من حقنا عليهم لكن احنا ما ناخذ حقنا بطرق تخالف النظام او تتحايل عليه بحجة محد بيعرف الله سبحانه يعرف واللي تقول لك اختي موظفه وتاخذ عمتي موظفه وتاخذ ططيب هم قبلوا بالحرام هم مو قدوة واذا الناس طاحت في النار انا ما اطيح معهم وكل شخص فينا راح يتحاسب عن عمله بشكل مستقل ما ينفع يوم القيامه اقول فلان سوى وسويت مثله ...الشيء الثاني يا اختي انتي لا تشتغلين في اي مكان بدون ما توقعين عقد سواء في مدرسه او غيرها لأنهم بعد ما تشتغلين ممكن ينكرون شغلك و ما يعطونك اجرك و روحي اشتكي طبعا ما راح تقدرين لأنو ما عندك عقد يثبت حقك وطبعا اذا ما وقعتي معهم عقد لا تلومين الا نفسك و اذا اصروا على انهم ما يقعون فهذا معناه انهم ما يهمهم حفظ لحقك و ممكن يلعبون فيك وستغلونك والقانون لا يحمي المغفلين ..انتي اتركيهم وانتي تضكين وخليكي على حافز اما انك تشتغلين بدون عقد يمكن يعطونك راتب ويمكن لا ويمكن ينهون عقدك في اي وقت ويمكن لا وتبغين تاخذين حافز هذا اللي ما يجوز فيه تحايل واضح على النظام واتذكري دائما انو اذا الدوله ما تدري الله سبحانه يعلم بكل شيء وهو سبحانه اللي بيحاسبك وساعتها ما ينفعك كلام بعض البنات اللي هنا يحثونك على اخذ راتب و وظيفه حتى لو ماكنت مضمومنه وحافز في نفس الوقت الله يغنينا بحلاله عن حرامه وبفضله عمن سواه اسفه جدا على الاطاله بس هذا من خوفي عليك والله يوفقك

التعليقات

هل أنا فعلاً مزعجة؟ قصة من طالبَة مهتمة

أنا مقيمة في بريطانيا حاصلة على شهادة الCELTA

أنا معلمة مدرسة خصوصيه تأسيس ابتدائي تيجي البيت بجده 0590293035

أنا مدرسة تأسيس صفوف أولية ومتابعة 0590293035

اذا كنتي معلمة او طالبة شوفي الموضوع يمكن يفيدك🖤🖤