ضعف التركيز وتشتت الانتباه وفرط الحركه......الى كل ام تعاني من هذه الاعراض عند اطفال

سلامي للجميع
ع السريع
الحمدلله عملت جلسات تواصل لولدي تجاوبه ممتاز الحمدلله كما ينبغي لجلال وجهه وعظيم سلطانه
الروضة للان ماتقبلهم ولا تقبلوه يصيح من يركب الباص الساعه ٧ الى يرجع وهو ع صيحه والا نايم
وامس يشتكون منه انه عض المعلمة والاطفال
فكرت اطلعه بس مو حل لاني اتمنى يندمج مع الاطفال
الله يكون ف عون الجميع

السلام عليكم
انا ام لطفل شخص على انه طفل توحدي
جربت كل شي حميات وحلسات سلوك بس الي ما جربته للحين الدوا
اخذت الوصفه من الطبيب ورحت وصليت استخاره وابدا ما ارتحت
وانا من الامارات وعندنا مراكز للتوحد كثيره بس للاسف في منطقتي مافي ولا مركز
يعني حبيت افيدكم بتجربتي
اخذت له جلسات سلوك في مركز بالساعه طبعا واتحسن بس اول جلسه كان يبكي بشده
وبعدها حب المدرس ولما اخذه على المركز يروح للغرفه الي يدرس فيها ويفتح الباب يدور عليها
يعني بعد الاستاذ شاطر كسب الطفل بسرعه
وجبت لها العاب للتركيز لانه عنده ظعف بالتواصل البصري يعني لما يرمي شغله ويعرف انه سوا شي غلط يناظر فيني او بالي موجود
بس دايما لما اروح معاه مكان مفتوح مول حديقه يركض ولا يبالي ماشاء الله عليه وانا اركض وراه والخدامه وابوه مسويلنا مرثون
بس بقولكم شي يابنات للي عندها طفل توحدي او هايبر اكتف .....
انا حربت حمية هيفاء الكيالي من الموقع الخاص فيها ومشيت عليها 20 يوم والله والله شاهد على كلامي هذا انه ولدي تغير
ما جربت لا اعشابها ولا اي شي ثاني بس الحميه وكانت النتيجه روعه
تغير كيف ؟؟ كنت لما اقوله حبيبي تعال صار يجي اول لو اتكلم من اليوم لين بكره لا حياة لمن تنادي
صار يلتفت لما اناديه باسمه
وصار يناظرني بعيني بعد ما كان عنده التواصل جدا ظعيف بس مو معدوم عشان اكون واظحه
يا بنات الرقيه بعد نفعتني وايد
وخذته على دكتور يعالج بالطاقه ....وللي ما تعرف العلاج بالطاقه تقدر تسوي سيرج بالقوقل وبطلع لها كل شي
لما بديت معاه جلسات الطاقه هدا اكثر وبدا يتواصل اجتماعيا اكثر عن اول والكل يلاحظ
الله كريم يا بنات والله ما تعلمون الاجر الي ربنا بيجازينا عليها اصبرو واحتسبو
واوصيكم بالاذكار انويها عنك وعن اولادك وركعتين قبل اذان الفجر بترد لك روحك وبتسين انك عايشه مع الناس
لاني والله بعد ما شخصو ولدي كرهن كل شي وانطويت على نفسي
كنت كله ابكي الليل والنهار
زوجي كره البيت ...مادري عادي كرهني والا لا هههههههههههه
المهم احس طولت عليكم بس كلام وايد في خاطري اقوله لكم
وسمحولي